Lugu 22:32 - Maktub gə́ To gə Kəmee

³² Nɛ ma lé ma m’ra tamaji mbata ləi mba kar kúla meekun ləi gaŋg el. Bèe ndá loo gə́ i a kun kəmi rəw dɔ rəm’g ləi ndá maji kari ula diŋgam meḛ ŋgakɔḭje’g ya.

Lugu 22:32 ပူးပေါင်းရင်းမြစ်များ

Matiyo 18:3

ula dee ne pana: Ma m’ula sí təsərə, ɓó lé seḭ ɔsje badm telje el ləm, a kosoje kas asəna gə ŋganje gə́ gɔ el ləm tɔ ndá seḭ a kulaje dɔ sí ɓeeko̰ gə́ dara lé wɔr el.

Matiyo 26:75

Léegəneeya kona no̰ wəl ndá mee Piɛrə aḭ har teḛ dɔ ta gə́ Jeju ulá kédé pana: Kona a no̰ el nja ɓəi ndá i a maḭ dɔm’g gɔl munda ya. Yen ŋga, yeḛ unda loo teḛ raga no̰ ɓugudu-ɓugudu.

Mark 14:72

Léegəneeya kona no̰ wəl ɔm gə́ gɔl joo ndá mee Piɛrə olé teḛ dɔ ta gə́ Jeju ulá kédé’g pana: Kona a na̰ ndia joo el nja ndá i a maḭ dɔ rɔi dɔm’g gɔl munda. Loo gə́ yeḛ si ə̰ji taree bèe-bèe ndá no̰ wá jiim.

Mark 16:7

Nɛ ɔd aw ulaje njékwakiláje ləm, gə Piɛrə ləm tɔ to gə́ Jeju lé ɔd no̰ sí’g sí aw gə́ Galile mba̰, lé neelé ɓa seḭ a kéeje keneŋ nu to gə́ yeḛ ula sí lé ya tɔ.

Lugu 8:13

Njé gə́ teḛ ɔm dɔ mban-ər’g lé wɔji dɔ deḛ gə́ d’oo ta lé gə mbi dee ndá deḛ taa gə rɔlel tɔ, nɛ ŋgira ŋgəŋ lə dee godo ar dee d’ɔm meḛ dee dɔ’g waga ba ndá loo gə́ né teḛ dɔ dee’g aḭ meḛ dee ndá d’ɔr ne moŋgyo̰ d’oso yal mba̰.

Tagə́maji gə́ Ja̰ ndang 14:19

Waga ba bèe ndá dəwje gə́ dɔ naŋg nee d’a koom el ŋga, nɛ seḭ lé seḭ a koomje ya mbata m’isi kəmba ndá seḭ kara a sije kəmba ya tɔ.

Néra Njékaḭkulaje 3:19

Bèe ndá waje ndòo rɔ sí dɔ kaiya’g lə sí ɔsje badm telje mba kar kaiya lə sí ɔr ndɔs-ndɔs ləm,

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Njé gə́ Rɔmə 8:34

See na̰ ɓa gə́ njekila ta dɔ dee’g tɔɓəi wa. Jeju Kristi gə́ wəi lé yeḛ teḛ dan njé gə́ d’wəi’g mba̰ ndá yeḛ aw si dɔ jikɔl Ala’g lé ra rəwta lə sí rɔ Ala’g lé tɔ.

2 Timote 2:18

Deḛ lé d’uba kankəmta d’ya̰ d’ula dəwje pana: Kàr kar dəwje teḛ dɔkumbwa’g lé teḛ mba̰. Yee ɓa d’unda ne meekun lə njé gə́ na̰je naŋg rə̰dəŋ-rə̰dəŋ.

Titə 1:1

Ma Pool, kura lə Ala ləm, gə njekaḭkula lə Jeju Kristi ləm tɔ gə mba kar meekun lə dee gə́ Ala ɔr dee ra ne tɔg ləm, mba kar dee gər kankəmta gə goo rəw tədkag Ala lé ləm tɔ.

Ǝbrəje 12:15

Undaje kəmkàr dɔ rɔ sí’g mba kar dəw kára kara mbuna sí’g lal kiŋga noji lə Ala el, mba kar ŋgira meekad uba meḛ sí’g jugugu-jugugu el tɔ, nà dəwje d’a kaw ne pum-pum kunda ne mar deeje bula rəw tuji’g.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

1 Piɛrə 1:1

Ma Piɛrə, njekaḭkula lə Jeju Kristi lé m’ndaŋg maktub m’ula ne m’ar deḛ gə́ to gə́ mbáje gə́ dɔ naŋg nee gə́ sanéna̰ d’aḭ d’wa gel dəb ɓeeko̰ gə́ Po̰t, gə Galati, gə Kapadɔs, gə Asi, gə Bityni lé

1 Piɛrə 1:13

Gelee gə́ nee ɓa maji kar sí ɔmje mina̰ wur sí’g go̰je ne loo soo-soo undaje meḛ sí yel ŋginaje ne noji gə́ d’a gə kwa sə sí ndɔ gə́ Jeju Kristi a kila rəa gə́ raga.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.

2 Piɛrə 3:14

Gelee gə́ nee ɓa, seḭ gə́ m’unda sí dan kəm’g lé to gə́ seḭ ŋginaje néje neelé ndá oreeje meḛ sí més-més mba karee iŋga sí dan meelɔm’g loo gə́ meḛ sí a kila ɓal el ləm, ta a kwa dɔ sí el ləm tɔ.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.