Lugu 22:31 - Maktub gə́ To gə Kəmee

³¹ Mbaidɔmbaije pana: Simo̰, Simo̰, Njekurai dəji loo gə mba ɗigi sí to gə́ ɗigi ne kó bèe.

Lugu 22:31 ပူးပေါင်းရင်းမြစ်များ

Esai 28:28

Deḛ d’ur kó lé gə mba ra muru Nɛ d’usu gə́ kusu el.

Amɔs 9:9

Mbata aa ooje, n’a kun ndu neḛ ndá D’a yə gel-bɔje lə Israɛl mbuna ginkoji dəwje gə raŋg’g lai, To gə́ deḛ gɔl ne né gə san bèe Lal kar guburee kára kara oso naŋg.

Jakari 3:1

Yeḛ am m’oo Jujee ŋgɔ-njekinjanéməs gə́ aar tar no̰ kura’g lə Njesigənea̰ ndá Njekurai aar dɔ jikɔlee’g gə mba kila ta dəa’g.

Matiyo 26:30

Loo gə́ d’ɔs pa pidi ne Ala lé mba̰ ndá d’unda loo teḛ d’isi d’aw gə́ dɔ mbal gə́ ria lə Koiyoje.

Matiyo 4:10

Yen ŋga Jeju ulá pana: Njekurai, ɔd tam’g gə gogo mbata deḛ ndaŋg mee maktub’g pana: Mbaidɔmbaije Ala ləi lé yeḛ ya kára ba ɓa i a kunda barmba nea̰’g ləm, yeḛ nja kára ba kiao ɓa i a ra né karee ləm tɔ.

Lugu 10:41

Mbaidɔmbaije tel ilá keneŋ pana: Martə, Martə, i ar məəi pélé wəs-wəs ləm, jɔg rɔi yaa̰ ləm gə mba néje bula ya.

Néra Njékaḭkulaje 9:4

Yeḛ guru naŋg rug ndá yeḛ oo ndu dəw ɓar dəa’g wəl-wəl pana: Sool, Sool, see ban ɓa i ula kəm ndòo bèe wa.

1 Njé gə́ Kɔrḭtə 5:5

ndá seḭ a kɔrje diŋgam neelé gə ri Mbaidɔmbaije Jeju kiláje ji Njekurai’g mba kar darəa tuji ne ɓó gə kar kankəmrea gə́ ka̰ ndil lé aji ne ndɔ ree lə Mbaidɔmbaije ɓəi tɔ.

2 Njé gə́ Kɔrḭtə 2:11

mba kya̰ ne loo kar Njekurai tel ne dɔ sí wagəsa el mbata yeḛ lé jeḛ n’gər goso ləa gao ya.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.

Loo gə́ killa rea kəm Ja̰’g 12:10

Ma m’oo ndu dəw gə́ ḭ dara ɓar ɔr loo lɔi-lɔi pana: Kaji lé ɓasinè kàree teḛ mba̰ ndá siŋgamoŋ gə tɔgmbaŋ ləm, gə ko̰ɓee lə Ala lə sí ləma, gə dɔmoŋ lə Kristi ləa ləm tɔ lé ndəa teḛ mba̰ tɔ. Mbata yeḛ wa njegaŋgta gə́ gaŋgta badə-badə ɔm ta ŋgako̰ síje no̰ Ala’g lə sí gə ndəa-ndəa dan kàrá ləm gə loondul’g ləm tɔ lé yeḛ wá ilá naŋg nee ya.