Lugu 22:20 - Maktub gə́ To gə Kəmee

²⁰ Loo gə́ deḛ d’o̰ muru mba̰ ndá yeḛ un ŋgo-kai-né gə́ mán-nduú to keneŋ togə́bè tɔ, ula ar dee pana: Ŋgo-kai-né neelé to gə́ némanrɔ gə́ sigi gə́ ma man ne rɔm gə məsm m’aree ula dɔ naŋg nee mbata lə sí.

Lugu 22:20 ပူးပေါင်းရင်းမြစ်များ

Teḛ-Raga 24:8

Moyis taa məs lé ndá yeḛ saga dɔ dəwje’g ɓa pana: Aa ooje, məs manrɔ gə́ Njesigənea̰ mán ne rəa ar sí gə goo taje lai gə́ Yeḛ pa lé ɓa nee ya.

Jeremi 31:31

Aa ooje, Njesigənea̰ pana: Ndɔje gə́ d’a gə ree lé m’a man rɔm gə manrɔ gə́ sigi kar gel-bɔje lə Israɛl gə gel-bɔje lə Juda .

Jakari 9:11

Seḭ lé ndá mbɔl dɔ manrɔ gə́ neḛ man ne rɔ neḛ n’ar sí lé ɓa N’a kɔr ne ɓərje lə sí Mee bwa gə́ mán godo keneŋ kɔm dee tar.

Matiyo 26:28

mbata yee neelé to məsm, yee to məs manrɔ gə́ ula dɔ naŋg nee mbata lə dəwje bula-bula gə nékoga kaiyaje tɔ.

Mark 14:24

Yeḛ ula dee pana: Yee neelé to gə́ məsm, yee ɓa to məs manrɔ gə́ ula dɔ naŋg nee mbata lə dəwje bula.

1 Njé gə́ Kɔrḭtə 11:25

Loo gə́ d’o̰ muru mba̰ ndá yeḛ un ŋgo-kai-né togə́bè tɔ pana: Ŋgo-kai-né neelé to manrɔ gə́ sigi gə́ ma man ne rɔm gə məsm m’ar sí. Loo gə́ rara ɓa gə́ seḭ a kaije ndá arje meḛ sí olé ne dɔm’g.

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

Ǝbrəje 9:15

Togə́bè ɓa, yeḛ to ne njekaar dana gə goo manrɔ gə́ sigi lé mba kar deḛ gə́ deḛ ɓar dee lé d’a kwa səa nénduba gə́ to gə no̰ gə goo ndukun gə́ Ala un ar dee. Mbata kwəi gə́ yeḛ wəi lé yeḛ udu ne kəm kalta lə dee gə́ d’al ne dɔ manrɔ gə́ dɔtar lé.

Ǝbrəje 9:17

Tɔgərɔ ya, maktub nénduba lé loo gə́ debee wəi ɓa to gə́ né ɓəi mbata loo gə́ debee si kəmba ɓəi ndá maktub neelé to ka̰ nénduba el ɓəi.