Lugu 22:18 - Maktub gə́ To gə Kəmee

¹⁸ mbata ma m’ula sí təsərə, m’a kai mán-nduú gə́ togə́bè gogo el nja saar mba kar ɓeeko̰ lə Ala ree ne.

Lugu 22:18 ပူးပေါင်းရင်းမြစ်များ

Pakɔsje 104:15

Gə mán-nduú mba kar rɔ dəw lelee ne ləm, Gə mba kar rəa ndɔḭ ne unda ubu ləma, Gə muru gə mba kar siŋgá to ne ləm tɔ.

Pa gə́ ur dɔ paje 5:1

Kɔnanəm, njemɔr ləm, Ma m’andə loo-ma̰a-kagje’g ləm, Ma m’ti timbá gə néje gə́ ə̰də sululu ləm, Ma m’usɔ mba̰ tə̰ji gə ubee na̰’d ləma, Ma m’ai mán-nduú gə mbà na̰’d ləm tɔ. Baokuraje ləm, sɔje gə aije, Arje mal ndigi na̰ ra sí!

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 55:1

Seḭ lai gə́ kṵdaman tɔl sí lé Gə́ reeje ta mán’g, Seḭ gə́ lar lə sí godo kara Gə́ reeje, taaje nésɔ sɔje! Gə́ reeje taaje mán-nduú gə mbà aije! Lal laree ləm, lal kuga ɓaŋgee ləm tɔ

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Jakari 9:15

Njesigənea̰ gə́ njeboo-néje a kaa dɔ dee, D’a tuji loo pugudu ləm, D’a dum dɔ kɔri-ər yɔroŋ-dooje lə njéba̰je lə dee ləm tɔ, D’a kai né ləm, D’a kunda bula to gə́ njékai mán-nduú gə́ mḭje bèe ləm tɔ, Nékai a rusu meḛ dee to gə́ mán gə́ rusu ŋgo-dɔ-mán bèe ləm, To gə́ məs gə́ aḭ dɔkum loo-nékinjaməs’g bèe ləm tɔ.

Jakari 9:17

Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ. Ko gə́ sigi gə mán-nduú gə́ kul lé A kar siŋga basaje gə ŋgama̰dje to ne kɔgərɔ-kɔgərɔ tɔ.

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Matiyo 26:29

Ma m’ula sí njai, ma lé m’a kai mán-nduú neelé gogo el ŋga saar m’a kai nje gə́ sigi sə sí na̰’d mee ɓeeko̰’g lə Bɔm.

Mark 14:23

Tɔɓəi yeḛ un ŋgo-kai-né gə́ mán-nduú to keneŋ ra ne Ala oiyo ɓa ula ar dee ɓəi ndá deḛ lai d’ai.

Mark 14:25

Ma m’ula sí təsərə, m’a kai sə sí nduú gə́ togə́bè lé gogo pai el saar njena m’a kai sə sí nje gə́ sigi mee ɓeeko̰’g lə Ala lé.

Mark 15:23

Deḛ d’un mán-nduú podé gə ubu timbá d’aree gə mba karee ai nɛ yeḛ mbad saar.

Mark 9:1

Yeḛ ula dee tɔɓəi pana: Ma m’ula sí təsərə, njé gə́ na̰je gə́ d’aar neelé d’a kwəi el nja saar njena d’a koo ɓeeko̰ lə Ala gə́ a ree gə siŋgamoŋ lé gə kəm dee ya.

Lugu 21:31

Asəna kára ba tɔ, loo gə́ seḭ a kooje néje gə́ a teḛ togə́bè lé tɔ ndá seḭ a kooje to gə́ ɓeeko̰ lə Ala lé nai dəb ba ya tɔ.

Lugu 22:16

Mbata ma m’ula sí təsərə, m’a sɔ né sə sí gogo el ŋga saar d’a tɔl taree mee ɓeeko̰’g lə Ala bém.

Lugu 9:27

Ma m’ula sí təsərə, njé gə́ na̰je gə́ d’aar neelé d’a kwəi el nja saar njena d’a koo ɓeeko̰ lə Ala lé gə kəm dee nda̰-nda̰ bèe ya.

Njé gə́ Kolosə 1:13

Yeḛ nja wa sí wɔgədɔ ɔr sí ji siŋgamoŋ ka̰ loondul gə́ ndul njudu-njudu ləm, yeḛ odo sí ɔm sí ɓeeko̰’g lə Ŋgonee gə́ to ŋgonkəmee lé ləm tɔ.

Njéga̰g-Rəwtaje 9:13

Nɛ kag-nduú tel ila dee keneŋ pana: See m’a kuba manm gə́ ar Ala gə dəwje rɔlel lé kya̰ mba kaw kila tar dɔ kagje’g wa.