Lugu 21:6 - Maktub gə́ To gə Kəmee

⁶ Néje nee gə́ seḭ ooje lé loo gə́ ndəa a gə teḛ lé ndá mbal kára gə́ to dɔ maree’g gə́ a lal jura naŋg el lé godo.

Lugu 21:6 ပူးပေါင်းရင်းမြစ်များ

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 26:6

m’a ra gə kəi neelé to gə́ m’ra gə Silo bèe ləm, m’a kar ɓee-boo neelé tel to nékila ndɔl dɔ’g lə ginkoji dəwje gə raŋg lai gə́ dɔ naŋg nee ləm tɔ.

Jeremi 26:9

Gə mba ɗi ɓa i tegginta gə ri Njesigənea̰ pa ne pana: Kəi gə́ nee a to kasəna gə Silo bèe ləm, ɓee-boo gə́ nee a tuji kar dəw godo keneŋ ləm tɔ wa. Koso-dəwje lai ɓugu na̰ dɔ Jeremi’g mee kəi’g lə Njesigənea̰.

Nɔ̰-ndôo gə́ wɔji dɔ Jerusalem 4:1

See ɗi togə́bè wa. Larlɔr lé ndɔḭ ləa tuji ŋga. Larlɔr gə́ àr ŋgad-ŋgad lé Tel mina̰ ŋga! Kɔr mbalje gə́ mee kəi gə́ to gə kəmee lé kara Deḛ sané dee kad-kad tɔ-rəwje’g lai-lai ya tɔ.

Nɔ̰-ndôo gə́ wɔji dɔ Jerusalem 5:18

To mbata mbal gə́ Sio̰ lé tuji pugudu Ar tàlje ɓa d’aw d’ila keneŋ.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Jakari 11:1

I ɓee gə́ Liba̰, maji kari teḛ tarəwkɔgje ləi Gə mba kar pər roo kag-sɛdrəje ləi dula-dula.

Jakari 14:2

Ma mbo̰ ginkoji dəwje gə raŋg lai Gə mba kar dee rɔ gə Jerusalem, D’a taa ɓee-boo ləm, d’a buu mee kəije buu-buu ləm, D’a kur dɔ denéje’g ləm tɔ, Ges dəwje gə́ mee ɓee-boo’g lé D’a kaw ɓər, Nɛ ges koso-dəwje gə́ nai lé D’a tuji deḛ lai mee ɓee-boo’g el.

Matiyo 24:2

Nɛ yeḛ tel ila dee keneŋ pana: Néje lai neelé see aaje lai ooje ya wa. Ma m’ula sí təsərə, mbal gə́ rara gə́ to dɔ na̰’d gə́ a lal jura naŋg el lé kára kara godo.

Mark 13:2

Jeju ilá keneŋ pana: See kəije gə́ boo-boo neelé i oo nja wa. Mbal kára kara gə́ d’unda dɔ maree’g gə́ a lal jura naŋg lé godo.

Lugu 21:7

Yen ŋga deḛ dəjee pana: Mbai, ula sí, see ndɔ gə́ ra ɓa néje neelé a teḛ ɓəi wa. Esé see loo gə́ a gə teḛ lé see ɗi ɓa d’a kwɔji dee ne lée wa.