Lugu 21:36 - Maktub gə́ To gə Kəmee

³⁶ Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Lugu 21:36 ပူးပေါင်းရင်းမြစ်များ

Maktub gə́ wɔji dɔ Jɔb 27:10

See yeḛ a kar Bao-siŋgamoŋ to nérɔlel ləa wa. See yeḛ a ra tamaji ta Ala’g lé ta-ta wa.

Pakɔsje 1:5

Gelee gə́ nee ɓa njémeeyèrje lé Ndɔ sariya ndá a kɔm dee’g el ləm, Njékaiyaje kara D’a si loo-mbo̰-dɔ-na̰’g lə njémeekarabasurje el ləm tɔ.

Jeremi 35:19

gelee gə́ nee ɓa Njesigənea̰ gə́ njeboo-néje gə́ to Ala lə Israɛlje pa ne togə́bè pana: Jonadab, ŋgolə Rekab a lal ŋgakeaje no̰m’g nda̰ el.

Malasi 3:2

See na̰ ɓa a kaskəm kisi kəmba ndɔ ree’g ləa wa. See na̰ ɓa a kaar tar ndɔ gə́ yeḛ a teḛ lé wa. Mbata yeḛ a to kasəna gə pər lə njelḛ̀ lar ləm, a kasəna gə ya̰-kià lə njétogo kubuje kar dee ndá bèe ləm tɔ.

Matiyo 24:42

Maji kar sí sije kəmba mbata seḭ gərje ndɔ ree lə Mbaidɔmbaije lə sí el.

Matiyo 24:43

Ooje maji, ɓó lé njekəi gər loo gə́ njeɓogo a gə ree dəa’g loondul’g ndá yeḛ a ra kəmee ra kaa mba kar njeɓogo andə mee kəi’g ləa el.

Matiyo 24:44

Togə́bè ɓa seḭje kara waje dɔ gɔl rɔ sí kir-kir tɔ mbata Ŋgon-dəw lé a ree dɔ kàr gə́ seḭ ə̰jije lé el.

Matiyo 25:13

Maji kar sí síje kəmba mbata seḭ gərje ndəa əsé kàree el.

Matiyo 26:41

Sije kəmba raje tamaji ta Ala’g lé gə mba kar sí osoje dan nékər’g el. Meḛ sí to kəmba nɛ darɔ sí wəi wɔ-wɔ.

Matiyo 8:20

Jeju ilá keneŋ pana: Bolé to njaaje to gən ga̰ ləm, kəi to yelje kara to gən ga̰ ləm tɔ. Nɛ Ŋgon-dəw lé oo loo gə́ mba kula dəa keneŋ taa kəmə el.

Mark 13:33

Maji kar meḛ sí dɔ rɔ sí’g ləm, síje dɔ kəji sí’g kəgəgə raje tamaji lé ləm tɔ, mbata seḭ gərje kàree gə́ né neelé a teḛ keneŋ el.

Mark 13:37

Né gə́ ma m’ula sí lé ma m’ula dəwje lai to: sije dɔkəji sí’g kəgəgə ya.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Lugu 18:1

Jeju un ta ula dee gə gosota tɔji dee gə mba kar dee d’oo, lé riri kara d’a ra tamaji ta Ala’g ta-ta ɓó d’a kar rɔ dee wəi dɔ’g sululu pai godo.

Lugu 20:35

nɛ deḛ gə́ d’oo dee gə́ d’askəm kiŋga loo mee ləb gə́ a gə ree gə́ d’a teḛ loo-yoo’g lé ndá d’a taa denéje el ləm, denéje kara d’a taa ŋgaw el ləm tɔ.

Lugu 21:35

Mbata ndəa neelé a kiri dɔ dəwje lai gə́ d’isi dɔ naŋg neelé rigim asəna gə ba̰də bèe.

Néra Njékaḭkulaje 10:2

Dəw neelé tədkag Ala ləm, ɓəlee ləm tɔ, yeḛ gə njénojije ləa lai ya.

1 Njé gə́ Kɔrḭtə 16:13

Sije kəmba arje kəm sí ɔs loo pal-pal ləm, aarje dɔ meekun’g lə sí njaŋg ləm, waje rɔ gə́ diŋgam ləma, aarje kɔgərɔ ləm tɔ.

2 Njé gə́ Kɔrḭtə 4:14

Jeḛ n’gər gao, yeḛ gə́ ar Mbaidɔmbaije Jeju unda loo teḛ dan njé gə́ d’wəi’g lé a kar sí n’teḛ gə Jeju na̰’d ya ləm, yeḛ a kar síjeḛ sə sí n’teḛje j’aarje na̰’d nea̰’g ya ləm tɔ.

Njé gə́ Kolosə 4:2

Aije meḛ sí sam-sam dɔ tamaji gə́ seḭ raje lé sije kəmba keneŋ, raje ne Ala oiyo.

1 Njé gə́ Tesalonikə 5:17

raje tamaji ta-ta ləma,

2 Timote 4:5

Nɛ i lé unda kəmkàr dɔ rɔi’g gə mba néje lai ləm, ai məəi sam-sam dan némeekonje’g ləm, ra kula gə́ wɔji dɔ kila mber Tagə́maji lé ləma, ɔr suna kula ləi lai lé ləm tɔ.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.

1 Ja̰ 2:28

Ɓasinè lé ŋganəmje, maji kar sí naije səa ya mba kar loo gə́ yeḛ a teḛ təsərə ndá j’a kaarje nea̰’g gə meendakaḭ ɓó rɔ sí a kul el ləm, mba kar loo gə́ yeḛ a ree lé yeḛ a kuba sí kya̰ sí gə goo ŋgalee el ləm tɔ.

Jude 1:24

Yeḛ gə́ askəm lam sí loo-koso gə́ rara kara ləm, gə́ askəm teḛ sə sí gə rɔ sí gə́ àr ŋgad-ŋgad kar sí aarje ne gə rɔlel dan rɔnduba’g ləa ləm tɔ lé

Loo gə́ killa rea kəm Ja̰’g 11:4

Deḛ neelé to gə́ kag koiyoje gə́ joo ləm, gə kag pərndɔje gə́ joo ləm tɔ gə́ d’aar tar no̰ Mbai dɔ naŋg nee.

Loo gə́ killa rea kəm Ja̰’g 6:17

Mbata boo-oŋg lé kàree teḛ mba̰ ndá see na̰ ɓa askəm kaar dɔ gɔlee’g njaŋg wa.

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.

Loo gə́ killa rea kəm Ja̰’g 8:2

Ndá ma m’oo kuraje lə Ala gə́ dara siri gə́ d’aar no̰ Ala’g ləm, gə to̰to̰ siri gə́ d’ar dee ləm tɔ.