Lugu 21:25 - Maktub gə́ To gə Kəmee

²⁵ Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.

Lugu 21:25 ပူးပေါင်းရင်းမြစ်များ

Pakɔsje 46:3

Gelee gə́ nee ɓa loo gə́ dɔ naŋg nee tel wagəsa ləm, Loo gə́ mbalje yə ɓugu-ɓugu dan baa-boo-kad’g ləm,

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 17:12

Ǝi! kaa ndu koso-dəwje gə́ ɓar! Kaa ndu dee ɓar asəna Gə kaa baa-boo-kad gə́ ɓar bèe. Kaw dɔ na̰ pum-pum lə ginkoji dəwje gə raŋg lé Ɓar asəna gə manje gə́ d’ula gə siŋga dee bèe tɔ.

Esai 24:23

Naḭ a tel ndul njudu-njudu ləm, Kàr a kɔs el ləm tɔ, Mbata Njesigənea̰ gə́ njeboo-néje a ko̰ɓee Mee ɓee gə́ Jerusalem gə́ to dɔ mbal gə́ Sio̰ Kar rɔnduba ləa ndogó kəm ŋgatɔgje’g ləa ya.

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Esai 51:15

Ma m’to Njesigənea̰, Ala lə sí Gə́ m’ar baa-boo-kad ḭ ləm, M’ar paŋgəm manee tuga ləm tɔ. Njesigənea̰ gə́ njeboo-néje ɓa gə́ rim.

Jeremi 4:23

Ma m’aa naŋg gərərə Ndá aa oo, naŋg nee to kari ba Ar né kára kara godo keneŋ, M’aa dara kara néndogó ləa sané pa.

Loo gə́ killa rea kəm Daniel’g 12:1

Mee ndəa’g neelé Mikaɛl, mbai gə́ boi gə́ to njetaa dɔ dəwje ləi a kḭ tar. A to ndɔ néɓəŋgərəti ya. Un kudee mee ndɔ tum ginkoji dəwje gə raŋg’g saar ndəa’g neelé dəw oo gar néɓəŋgərəti gə́ togə́bè lé el. Mee ndəa’g neelé dəwje ləi gə́ ndaŋg ri dee mee maktub’g ɓa d’a kaji ya.

Misee 7:4

Dəw gə́ maji ur dɔ dee’g mbuna dee’g lé To asəna gə kun pɔrɔrɔ bèe ləm, Dəw gə́ danasur ur dɔ dee’g lé Majel ur dɔ kun’g ləm tɔ. Ndɔ gə́ bo̰ néra sí a kɔs ta sí’g Gə́ njéteggintaje lə sí d’ila mberee lé nai dəb ba ŋga. Yee gə́ bèe ɓa seḭ lai meḛ sí to ne kəgəgə mba̰.

Matiyo 24:29

Waga gə́ a korè goo ndɔ némeeko̰ lé ndá né a dəb kəm kàr’g rigim ləm, naḭ a ndogó el ləm, kéréméje d’a toso naŋg dib-dib ləma, nésiŋgamoŋje lə dara kara d’a yə bura ɓugu-ɓugu ləm tɔ.

Matiyo 27:45

Kàr aar daŋdɔ ya ndá loondul bigim dɔ naŋg nee gə loo lai saar kàr tel rəa gə mbɔree.

Mark 13:24

Mee ndəaje’g neelé loo gə́ néɓəŋgərəti godo mba̰ ndá kàr a tel ndul njudu-njudu ləm, naḭ a ndogó el ləm,

Mark 13:26

Yen ŋga d’a koo Ŋgon-dəw gə́ a kḭ dara teḛ dan loo-kil’g lə ndi ndá yeḛ a ree gə siŋgamoŋ ləm, gə doŋgɔr-ronduba ləm tɔ.

Mark 15:33

Loo gə́ kàr aar daŋdɔ ya ɓəi ndá loondul dəb dɔ naŋg nee rigim saar ar kàr tel ra gə mbɔree.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Lugu 21:26

Dəwje d’a kwəi yoo-ɓəl loo gə́ deḛ d’isi ŋgina ne néje gə́ a gə teḛ dɔ naŋg neelé, mbata nésḭgangə̰gje lə dara d’a yə ɓugu-ɓugu tɔ.

Néra Njékaḭkulaje 2:19

M’a kar néje gə́ dumkoo teḛ mee dara gə́ tar ləm, Nétɔjije d’a teḛ dɔ naŋg nee ləm tɔ: Məs ləm, gə pər ləma, gə sa pər gə́ uba ŋgɔg-ŋgɔg ləm tɔ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.