Lugu 21:22 - Maktub gə́ To gə Kəmee

²² Mbata ndəaje neelé a to ndɔ dal ba̰ mba kar ta gə́ ndaŋg mee maktub’g lé aw ne lée’g béréré ya.

Lugu 21:22 ပူးပေါင်းရင်းမြစ်များ

Esai 34:8

Mbata to ndɔ dal ba̰ lə Njesigənea̰ ləm, Gə ləb kuga dɔ ji dee Mbata né gə́ deḛ ra gə Sio̰ ləm tɔ.

Esai 61:2

Gə mba kam m’ila mber ləb noji lə Njesigənea̰ ləm, Gə kàr dal ba̰ lə Ala lə sí ləma, Gə mba gɔl ne meḛ dee gə́ d’wa ndòo yoo lé ləm tɔ,

Esai 63:4

Mbata ndɔ dalba̰ lé wa məəm ləm, Ləb kuga dɔ dəwje ləm teḛ mba̰ ləm tɔ.

Jeremi 51:6

Ḭje Babilɔn aḭje ləm, Maji kar nana kara taa rəa ta yoo’g ləm tɔ Nà banelə seḭ a tujije səa na̰’d! Mbata to kàr dalba̰ lə Njesigənea̰, Yeḛ a ra səa né gə goo kula reaje.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Matiyo 1:22

Né neelé teḛ togə́bè mba kar ta lə Mbaidɔmbaije gə́ yeḛ pa gə ndu njetegginta lé aw lée’g béréré ya:

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Tel tura Godndu 32:34

See ta néje neelé ŋgəm dee rɔm’g dəb Esé to gə kəmee mbuna nébao’g ləm el wa

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

2 Piɛrə 3:7

Tɔɓəi ta gə́ teḛ ta Ala’g lé ɓa dara gə naŋg gə́ ɓasinè lé d’wa ne rɔ deḛ ŋgina ne pər gə́ a ko̰ dee ndɔ gaŋg rəwta’g, ndɔ gə́ dəwje gə́ néra dee to gə goo ka̰ Ala el lé d’a tuji ne ya.