Lugu 20:7 - Maktub gə́ To gə Kəmee

⁷ Yen ŋga deḛ d’ila Jeju’g pana: Jeḛ n’gər loo gə́ batɛm lə Ja̰ lé ḭ keneŋ el.

Lugu 20:7 ပူးပေါင်းရင်းမြစ်များ

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 41:28

Ma m’aa loo ndá M’oo dəw kára kara el ləm, Ala kára kara mbuna dee’g Gə́ to njekwɔji ta kəmkàr Gə́ askəm kila ta’d gə́ m’dəji dee lé godo ləm tɔ.

Esai 44:18

Dəwje neelé gər né el ləm, Deḛ d’oo ta el ləm tɔ, Mbata deḛ libi kəm dee Mba kar dee d’oo loo el ləm, D’ar meḛ dee ndər Mba kar dee gər ne gin né el ləm tɔ.

Jakari 11:15

Njesigənea̰ ulam pana: Maji kam m’taa nékulaje lə njekulbadje gə́ to mbə lé ya ɓəi.

Jakari 11:17

Meeko̰ a koso dɔ njekulbadje gə́ gə mḭdé ba Gə́ tusu badje ləa ya̰ dee. Maji kar kiambas tuji kag jia gə kəmee gə́ dɔkɔl! Maji kar kag jia tudu kurum ləm, Kar kəmee gə́ dɔkɔl tɔ kab ya ləm tɔ.

Lugu 20:6

Nɛ ɓó lé j’a kilá keneŋ pana: Batɛm lə Ja̰ lé ḭ rɔ dəwje’g ndá kara koso-dəwje lai neelé d’a tila sí gə kɔri-ər mbata deḛ lé d’oo Ja̰ gə́ njetegginta gə́ gəd ya.

Lugu 20:8

Togə́bè Jeju tel ila dee keneŋ pana: Ma kara m’a kula sí ri yeḛ gə́ njekun ndia karm m’ra ne néje neelé el tɔ.

Tagə́maji gə́ Ja̰ ndang 9:39

Yen ŋga Jeju ulá pana: Ma lé m’ree naŋg nee mba gaŋg rəwta loo kára ba sur mba kar njé gə́ d’oo loo el d’oo loo ləm, mba kar deḛ gə́ d’oo loo lé tel to njékəmtɔje ləm tɔ.

2 Piɛrə 3:3

Kona ta gə́ kəm gər kédé lé ɓa to nee: Ndəa gə́ rudee a gə kun ɗiao lé ndá njédəjinduje d’a kḭ gə ta dəjinduje lə dee lé deḛ gə́ d’a gə ra né gə goo malee gə́ ra dee-deḛ lé