Lugu 20:47 - Maktub gə́ To gə Kəmee

⁴⁷ deḛ to gə́ njerum né kəi lə njékəisiŋgaje rum-rum ləm, deḛ ra tamaji lé kur dee əw rab ne rɔ dee kəm dəwje’g ləm tɔ. Deḛje neelé ta gə́ d’a kɔr kila dɔ dee’g lé a kur dɔ ka̰ mar deeje’g sula.

Lugu 20:47 ပူးပေါင်းရင်းမြစ်များ

Esai 10:2

Yee ɓa deḛ mbad gaŋg ne rəwta Le njéndooje gə goo rəbee ləm, Né gə́ kəm kar deḛ gə́ kəm dee to ndòo Mbuna dəwje’g ləm d’iŋga lé Deḛ nar sə dee ləm, Deḛ taa nékiŋgaje lə njékəisiŋgaje ləma, D’unda ŋganalje gə́ néɓogo lə dee ləm tɔ.

Ejekel 22:7

Loo gə́ mee ɓee-boo’g ləi lé dəwje d’ə̰ji bɔ deeje gə ko̰ deeje bəḭ-bəḭ ləm, d’ula kəm dəw-dɔ-ɓee ndòo ləma, deḛ buguru ŋgonal gə njekəisiŋga ləm tɔ.

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Amɔs 2:7

Deḛ ndiŋga rɔ dee mba njaa dɔ njéndooje’g asəna gə babur bèe ləm, Njénékəmndooje lé kara d’ɔg dee né gə́ kəm kar dee d’iŋga ləm tɔ. Ŋgon gə́ diŋgam deḛ gə bɔbeeje d’orè na̰ dɔ ŋgoma̰də gə́ kára ba ya D’ula ne sul dɔ ri neḛ-neḛ gə́ to gə kəmee doi lé.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Misee 2:8

Mee ndɔje gə́ kédé lé Seḭ telje rɔ sí gə́ njéba̰je lə koso-dəwje lə neḛ bèe: Seḭ ɔrje kubu gə́ boi yul gə́ dɔ maree’g Rɔ deḛ gə́ d’ḭ loo-rɔ’g ree dəs gə meekulɔm lé.

Misee 3:2

Seḭ ə̰jije néra gə́ maji lé bəḭ-bəḭ Ndá né gə́ majel ɓa seḭ ndigije, Seḭ tusuje ndar dəwje ləm, Seḭ tɔrje dakasrɔ dee dɔ siŋga dee’g ləm tɔ.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Matiyo 23:14

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ rumje néje lə njékəisiŋgaje mbad-mbad ndá tel ləbje kəm dee gə ndukwɔi lé gə ta gə́ pa kɔm na̰ rib-rib, néra sí gə́ togə́bè lé taree a ndər dɔ sí’g di-di ya.

Mark 12:40

Deḛ to njérum né mee kəi’g lə njékəisiŋgaje rum-rum ləm, deḛ ra tamaji kuree əw rab ne rɔ dee kəm dəwje’g ləm tɔ. Deḛje neelé ta gə́ d’a gə kɔr kila dɔ dee’g lé a kal dɔ loo sula.

Lugu 12:1

Mee ndəaje’g neelé koso-dəwje bula digi-digi mbo̰ na̰ rəa’g d’uba na̰ tususu ndá Jeju un kudu kula njékwakiláje pana: Aaje rɔ sí kər-kər dɔ né gə́ ar nduji ti’g gə́ ka̰ Parisiḛje gə́ to gə́ néhulai lé.

Lugu 20:46

Meḛ sí dɔ rɔ sí’g mbata njéndaji-maktubje gə́ ndigi njaa gə kubu gə́ ŋgal yududu rɔ dee’g ləm, gə mba kar dəwje ra dee ne lapia loo-nadaje’g ləm tɔ, deḛ ndigi loo gə́ kédé gə mba si keneŋ mee kəi-kwa-dɔ-na̰’gje ləm, gə loo naḭje’g ləm tɔ,

Lugu 21:1

Jeju un kəmee gə́ tar aa ne loo oo baoje gə́ d’ɔm nékar-Alaje lə dee mee sa̰duk-kɔm-lar’g lé.

1 Njé gə́ Tesalonikə 2:5

Seḭ gərje gao, jeḛ lé ndɔ kára kara jeḛ lèbè kəm dəw el ləm, j’unda meḛ sí dɔ né’g lə dəw el ləm tɔ. Ala ɓa oo gée gao ya.

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

Maktub gə́ Jak ula ne ar ngan-Allaje 3:1

Ŋgakɔmje, maji kar dəwje bula d’ḭ mbuna sí’g gə dɔrɔ dee tel to njendoo mar deeje né el mbata seḭ gərje gao, jeḛ gə́ n’to njendoo mar síje neelé ta gə́ d’a gaŋg dɔ sí’g a kal dɔ ka̰ dee-deḛ bəŋ-bəŋ.