Lugu 2:9 - Maktub gə́ To gə Kəmee

⁹ Aa ooje kura lə Mbaidɔmbaije ḭ dara teḛ dɔ dee’g təsərə ar rɔnduba lə Mbaidɔmbaije ndogó gugu dɔ dee sub. Ɓəl unda dee badə gaŋg dee ar dee d’unda bala tigi-tigi tɔ.

Lugu 2:9 ပူးပေါင်းရင်းမြစ်များ

1 Mbaije 8:11

Njékinjanéməsje d’askəm kaar keneŋ mba ra kula lə dee el mba mum lé, mbata rɔnduba lə Njesigənea̰ gə́ taa mee kəi ləa pəl-pəl lé tɔ.

Teḛ-Raga 16:10

Loo gə́ Aaro̰ si ula koso-dəwje gə́ Israɛl lai ta bèe lé deḛ tel kəm dee par gə́ dɔdilaloo’g ndá aa oo, rɔnduba lə Njesigənea̰ teḛ dan mum’g.

Teḛ-Raga 16:7

Tɔɓəi bèlè gə ndɔ lé seḭ a kooje rɔnduba lə Njesigənea̰ mbata yeḛ oo ndu ta jémje lə sí gə́ seḭ imje ne rɔ sí dɔ Njesigənea̰’g mbata jeḛ lé see jeḛ n’to gə́ ɗije to ɓa mba kar sí jémje ta imje ne rɔ sí dɔ síjeḛ’g wa.

Esai 35:2

Puduje d’a taa loo keneŋ pəl-pəl ləm, Dɔ naŋg lé a kal rəa ləm tɔ Gə pa boo-rɔlelje gə ndu kii kun baŋga, D’a kula rɔnduba lə Liba̰ dəa’g ləm, Gə boo-ronduba lə Karmel gə Saron ləm tɔ. Ndá d’a koo nérɔnduba lə Njesigənea̰ Gə boo-ronduba lə Ala lə sí tɔ.

Esai 40:5

Yen ɓa rɔnduba lə Njesigənea̰ a kila ne kɔd Ndá léegəneeya dəwje lai-lai d’a koo, Mbata Njesigənea̰ pa taree gə təa ya.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Ejekel 3:23

Ma m’ḭta m’aw mee wəl-loo’g lé ndá aa oo, rɔnduba lə Njesigənea̰ teḛ keneŋ to gə́ m’oo kédé mbɔr baa gə́ Kebar’g lé. Yen ŋga m’oso m’dəb kəm naŋg.

Matiyo 1:20

Loo gə́ yeḛ si ə̰ji taree mée’g bèe ɓəi ndá né gə́ mḭdi ɓa kura lə Mbaidɔmbaije gə́ dara teḛ ne dəa’g ulá ne pana: Jisəb, ŋgon Dabid, maji kari ɓəl mba taa Mari gə́ dené ləi el mbata kèm gə́ to mée’g lé to ka̰ Ndilmeenda ya. Yeḛ a koji ŋgon gə́ diŋgam ndá i a kunda ria lə Jeju.

Lugu 1:28

Kura gə́ dara neelé andə aw loo gə́ Mari sí keneŋ ndá ulá pana: Lapia ɓòo, i gə́ si dan noji’g bèdèg: Mbaidɔmbaije lé jia nai rɔi’g ɓəi.

Lugu 2:8

Njéŋgəmbadje d’isi wala dəb loo gə́ kára bèe d’isi ŋgəm koso-badje lə dee keneŋ, to dan loo’g.

Lugu 24:4

To gə́ deḛ d’ə̰ji bea pi d’aar jim ndá aa oo, dəwje joo gə́ d’ula kubu gə́ ndoolé yḛd-yḛd rɔ dee’g lé teḛ kəm dee’g təsərə-təsərə.

Tagə́maji gə́ Ja̰ ndang 12:41

Esai pata néje neelé loo gə́ yeḛ oo rɔnduba ləa gə kəmee lé ɓa aree pa ne ta gə́ wɔji dəa ya.

Néra Njékaḭkulaje 12:7

Aa oo, kura lə Mbaidɔmbaije gə́ dara teḛ təsərə ar loo ndogó jol-jol mee kəi-daŋgai’g. Kura gə́ dara lé ndel Piɛrə ulá yəgə-yəgə pana: Uba naŋg rad ḭta! Yen ŋga kúla larje gə́ tɔ ne jia lé jura naŋg wururu.

Néra Njékaḭkulaje 27:23

Kura lə Ala gə́ dara gə́ ma m’to gə́ kea̰ ləm, m’wá məəm’g ləm tɔ lé teḛ dɔm’g təsərə loondul gə́ nee

Néra Njékaḭkulaje 5:19

Nɛ kura lə Mbaidɔmbaije gə́ dara ɔr tarəwkəi loondul’g, ar dee d’unda loo teḛ raga ndá ula dee pana:

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Ǝbrəje 12:21

Moyis kara loo gə́ yeḛ oo nékɔb gə́ togə́bè lé ndá yeḛ pana: M’ndəb pəd-pəd m’unda ne bala tigi-tigi tɔ.

Loo gə́ killa rea kəm Ja̰’g 18:1

Gée gə́ gogo ma m’oo kura gə́ dara gə́ raŋg ḭ dara ree naŋg nee ndá yeḛ to njesiŋgamoŋ gə́ tɔgmbaŋ. Rɔnduba ləa ndogó wər-wər naŋg nee.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.