Lugu 2:20 - Maktub gə́ To gə Kəmee

²⁰ Njéŋgəmbadje lé d’isi tel gə́ loo’g lə dee ndá d’ula rɔnduba dɔ Ala’g ləm, deḛ pidee ne ta-ta ləm tɔ, ɓa d’aw ɓəi mbata néje lai gə́ deḛ d’oo taree gə mbi dee ləm, gə d’oo gə kəm dee ləm tɔ, to gə́ d’ula dee lé ya.

Lugu 2:20 ပူးပေါင်းရင်းမြစ်များ

Pakɔsje 106:48

Maji kar dɔkaisəgərə nai gə Njesigənea̰, Ala lə Israɛlje lé Gə ləbee-ləbee saar-saar gə no̰. Maji kar koso-dəwje lai lé pata pana: Bèe ya! Pidije Njesigənea̰!

Pakɔsje 107:15

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje gə́ yeḛ ra ar dəwje lé ləm tɔ!

Pakɔsje 107:21

Maji kar dee d’ɔs gaji Njesigənea̰ mbata meemaji ləa ləm, Gə mba nédumkooje ləa gə́ yeḛ ra ar dəwje lé ləm tɔ!

Pakɔsje 107:8

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje ləa gə́ yeḛ ra ar dəwje lé ləm tɔ!

Esai 29:19

Njénékəmndooje d’a kal rɔ dee gə́ kédé-kédé gə mbata lə Njesigənea̰ ləm, Njéndooje d’a kar Njerɔkunda lə Israɛlje to gin boo-rɔkal lə dee ləm tɔ.

Matiyo 9:8

Loo gə́ koso-dəwje d’oo ndá deḛ ɓəl, d’ula ne rɔnduba dɔ Ala gə́ njekar rɔ dəwje ŋgəŋ togə́bè lé.

Mark 1:7

Yeḛ ila mber ula dəwje taje nee pana: Dəw gə́ a gə ree goom’g lé debee neelé siŋgá ur dɔm’g ləm, m’as kula dɔm naŋg tudu ndar markob ləa gə dɔrɔm el ləm tɔ.

Lugu 18:43

Léegəneeya yeḛ oo loo ndá yeḛ un rəw si njaa goo Jeju’g ləm, yeḛ pidi Ala ləm tɔ. Koso-dəwje lai neelé loo gə́ deḛ d’oo ndá deḛ pidi ne Ala tɔ.

Néra Njékaḭkulaje 11:18

Loo gə́ d’oo ta neelé mba̰ ndá meḛ dee oso naŋg po̰ ar dee d’ula rɔnduba dɔ Ala’g pana: Ala lé ya ar njétareeje d’wa ndòo rɔ dee dɔ kaiya’g lə dee gə mba kar dee-deḛ nja kara d’a si ne gə kəmə lé tɔ.