Lugu 2:11 - Maktub gə́ To gə Kəmee

¹¹ Kàr gə́ ɓogənè ɓa d’oji njekaji sí mee ɓee-boo’g lə Dabid d’ar sí, yeḛ to Kristi, Mbaidɔmbaije lé.

Lugu 2:11 ပူးပေါင်းရင်းမြစ်များ

Gḭ-Néje 3:15

M’a kar ba̰ to mbuna sí-seḭ gə dené’g ləm, Gə mbuna ŋgakaije gə ŋgakea-yeḛje’g ləm tɔ. Yeḛ a rəd dɔi naŋg Ndá i a to̰ gel gɔlee tɔ.

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Matiyo 1:16

Jakob lé oji Jisəb gə́ to ŋgaw Mari gə́ oji Jeju gə́ deḛ ɓaree Kristi lé tɔ.

Matiyo 1:21

Yeḛ nja a kaji dəwje ləa kɔr dee ne dan kaiyaje’g lə dee.

Matiyo 16:16

Simo̰ Piɛrə ilá keneŋ pana: I to Kristi gə́ to Ŋgon-Ala gə́ Njesikəmba lé nja.

Matiyo 16:20

Yen ɓa yeḛ ndəji njékwakiláje bər-bər gə mba kar dee d’ula dəw kára kara pana: To Kristi lé ya bèe el.

Lugu 1:43

Nojikwa gə́ togə́bè a kḭ ra ɓa ree dɔm’g ɓa ko̰ Mbaidɔmbaije ləm ree gə mba koom ne ɓa pa taree nee wa.

Lugu 1:69

Yeḛ nja ɔr njekaji sí gə́ njesiŋgamoŋ Mbuna ŋgaka Dabid gə́ to kura ləa lé ar sí,

Lugu 2:26

Ndilmeenda lé riba səa dəa kédé pana: A kwəi el saar a koo Kristi lə Mbaidɔmbaije gə kəmee ya ɓa.

Lugu 2:4

Jisəb kara ḭ Galile mee ɓee gə́ ria lə Najaret mba kaw Jude mee ɓee-boo’g lə Dabid gə́ ɓaree Betlehem, mbata yeḛ to ŋgoka Dabid gə́ koji kəi kɔl ɓa yeḛ si aw ne gə mbəa

Tagə́maji gə́ Ja̰ ndang 1:41

Yeḛ dar ŋgokea̰ Simo̰ Piɛrə bus ulá pana: Jeḛ j’iŋga Mesi (gə́ ɓaree Kristi lé) mba̰.

Tagə́maji gə́ Ja̰ ndang 1:45

Pilibə lé iŋga Natanaɛl ndá ulá pana: Jeḛ lé j’iŋga yeḛ gə́ Moyis ndaŋg ta ləa mee maktub godndu’g ləm, njéteggintaje d’ɔr ta ləa ləm tɔ, to Jeju gə́ Najaret, ŋgolə Jisəb lé nja.

Tagə́maji gə́ Ja̰ ndang 11:27

Martə tel ndigi təa’g pana: Oiyo Mbaidɔmbaije, ma m’ɔm məəm dɔi’g to gə́ i to Kristi, Ŋgon-Ala lé gə́ a gə ree dɔ naŋg neelé nja.

Tagə́maji gə́ Ja̰ ndang 20:31

Nɛ ta néje neelé deḛ ndaŋg keneŋ gə mba kar sí ɔmje ne meḛ sí dɔ Jeju’g to gə́ yeḛ to Kristi, Ŋgon-Ala lé tɔ. Ɓó lé seḭ ɔmje meḛ sí dəa’g ndá mbɔl dɔ ria ɓa seḭ a sije ne gə kəmə lé tɔ.

Tagə́maji gə́ Ja̰ ndang 4:25

Dené lé tel ulá pana: Ma m’gər gao Mesi a gə ree ya (yeḛ gə́ ɓaree Kristi lé) loo gə́ yeḛ a ree ndá yeḛ nja a kɔr gin néje lai təsərə kar sí.

Tagə́maji gə́ Ja̰ ndang 4:42

Deḛ d’ula dené lé pana: Jeḛ j’ɔm meḛ sí dəa’g gə mba tapai ɓa goo kára ba el, mbata jeḛ nja jeḛ j’oo ta ləa gə mbi sí, yee ɓa jeḛ n’gər gao, yeḛ to Njekaji dəwje gə́ dɔ naŋg nee lai-lai ya.

Tagə́maji gə́ Ja̰ ndang 6:69

Jeḛ j’ɔmje meḛ sí dɔi’g ləm, jeḛ n’gərje gao to gə́ i lé to Kristi, Njemeenda gə́ ḭ rɔ Ala’g lé ləm tɔ.

Tagə́maji gə́ Ja̰ ndang 7:41

Njé gə́ raŋg pana: Yeḛ to Kristi ya. Njé gə́ raŋg pana: See Galile ya Kristi a kḭ keneŋ wa.

Néra Njékaḭkulaje 10:36

Ta neelé yeḛ unda ne kula ar Israɛlje gə mba kar dee gər gao gin Jeju Kristi lé ɓa d’a kiŋga meekulɔm keneŋ mbata yeḛ to Mbaidɔmbaije lə dəwje lai-lai ya.

Néra Njékaḭkulaje 13:23

Ŋgoka Dabid lé ɓa Ala ɔr njekaji keneŋ ar Israɛl, yee ɓa gə́ Jeju gə goo ndukun gə́ yeḛ un ne ndia ar dee lé.

Néra Njékaḭkulaje 17:3

Yeḛ ɔr ginta wɔji dee rəbee to gə́ némeeko̰ gə́ ra Kristi ləm, gə loo gə́ yeḛ unda ne loo teḛ dan njé gə́ d’wəi’g ləm tɔ lé to gə goo rəw gə́ maktub nee pa lé ya. Yeḛ ula dee pana: Jeju neelé gə́ m’ula sí ta ləa lé yeḛ nja to gə́ Kristi lé ya.

Néra Njékaḭkulaje 2:36

Bèe ndá maji kar ŋgaka Israɛlje lai lé gər gao, to gə́ Jeju nee gə́ seḭ ɗareeje lé Ala nja undá gə́ Mbaidɔmbaije ləm, gə Kristi lé ləm tɔ.

Néra Njékaḭkulaje 5:31

Ala lé unee gə jikɔlee undá tar aree to gə́ Mbai ləm, gə Njekaji dəwje ləm tɔ, gə mba kar Israɛlje d’wa ne ndòo rɔ dee dɔ kaiya’g lə dee kar mée ti ne mbidi dɔ’g.

1 Njé gə́ Kɔrḭtə 15:47

Dəw gə́ dɔtar lé d’ɔree naŋg nee ya, yee ɓa yeḛ to ne dəw gə́ dɔ naŋg nee ya: nɛ dəw gə́ rudu lé ḭ dara ɓa.

Njé gə́ Pilibə 2:11

Ta dəw gə́ rara kara a teḛ ɓar ne ri Jeju Kristi Mbaidɔmbaije mba kula ne rɔnduba dɔ Ala Bɔ-dəwje’g lé tɔ.

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

Njé gə́ Kolosə 2:6

Bèe ndá to gə́ seḭ taaje Jeju Kristi Mbaidɔmbaije gə meḛ sí ndá maji kar sí ɔmje səa na̰’d sad ya.

1 Ja̰ 4:14

Bɔ-dəwje lé ula Ŋgonee gə́ gəd-gəd mba karee to gə́ Njekaji dəwje dɔ naŋg nee, yee ɓa to né gə́ jeḛ j’oo gə kəm sí ləm, jeḛ j’ɔr taree j’ar sí ləm tɔ.

1 Ja̰ 5:1

Nana ɓa gə́ ɔm mée dɔ Jeju’g ée ne gə́ Kristi ndá debee neelé Ala nja ojee. Tɔɓəi nana ɓa gə́ unda ŋgon neelé dan kəmee’g ndá yeḛ unda njekoji ŋgon lé dan kəmee’g tɔ.