Lugu 19:9 - Maktub gə́ To gə Kəmee

⁹ Jeju tel ilá keneŋ pana: Ɓogənè ya kaji uru mee kəi’g nee mbata yeḛ neelé to gə́ ŋgoka Abrakam ya tɔ.

Lugu 19:9 ပူးပေါင်းရင်းမြစ်များ

Lugu 13:16

Nɛ dené nee gə́ to gə́ ŋgon Abrakam gə́ Njekurai teá naŋg jo̰dɔrɔ as ləbee dɔg-giree-jinaijoo lé see tudu kúla lar rəa’g gə ndɔ-kwa-rɔ lé see to né gə́ kəm ra el wa.

Lugu 13:30

Tɔɓəi aa ooje, deḛ gə́ to gə́ rudu dee gogo lé d’a tel to gə́ ŋgaw ta dee kédé, tɔɓəi deḛ gə́ to gə́ ŋgaw ta dee kédé lé d’a tel to gə́ rudu dee gogo tɔ.

Lugu 16:24

Yeḛ ula təa no̰’g wəl pana: Bɔm Abrakam, oo kəmtondoo ləm ya kari ndá ula Lajarə aree ula ŋgaw jia mán’g ree ɔs ndɔm’g aree kul ne bəl lɔm, mbata pər ulam ndubu yaa̰.

Lugu 16:30

Yeḛ tel ulá pana: Wah! bɔm Abrakam, ɓó lé dəw kára a kunda loo-yoo teḛ kaw rɔ dee’g ndá d’a kwa ndòo rɔ dee dɔ kaiya’g lə dee ya.

Lugu 2:30

Mbata m’oo kaji ləi gə kəm mba̰

Lugu 3:8

Ɓó lé seḭ waje ndòo rɔ sí dɔ kaiya’g lə sí ndá teḛje gə kée gə́ raga ɓó pajena Abrakam ɓa gə bɔ síje, paje bèe el! mbata ma m’ula sí təsərə ya, kɔr mbalje gə́ nee ya Ala lé askəm tel dee gə́ ŋganje kar Abrakam ya.

Njé gə́ Rɔmə 4:16

Togə́bè ɓa meekun ɓa dəwje d’a to ne njékiŋga nédɔjije ɓəi mba karee to gə́ nénoji lə Ala ya. Yee ɓa gə mba kar ndukun lé to ne njaŋg mbata lə ŋgaka Abrakamje lai ɓó a kwɔji dɔ deḛ gə́ to gə́ ŋgakeaje gin godndu’g goo kára ba el nɛ a kwɔji dɔ deḛ gə́ d’ɔm meḛ dee dɔ Ala’g to gə́ Abrakam yeḛ gə́ to bɔ síjeḛ lai bèe tɔ, to gə́ deḛ ndaŋg mee maktub gə́ to gə kəmee pana:

Njé gə́ Galati 3:14

Bèe ɓa gə mba kar dɔkaisəgərə gə́ Ala un ne ndia ar Abrakam lé njépole-magəje d’iŋga gin Jeju Kristi’g lé ləm, jeḛ kara mbɔl dɔ meekun lé ɓa j’iŋga ne Ndil gə́ Ala un ne ndia mba kar sí lé ləm tɔ.

Njé gə́ Galati 3:29

Ɓó lé seḭ toje gə́ ka̰ Kristi ndá seḭ toje ŋgaka Abrakam ləm, seḭ a toje njékiŋga nédɔjije gə goo ndukun gə́ un aree lé ləm tɔ.

Njé gə́ Galati 3:7

ndá maji kar sí gərje gao deḛ gə́ d’isi gə meekun lé deḛ nja to ŋgaka Abrakam gə́ gəd ya.

1 Piɛrə 2:10

Seḭ lé kédé seḭ toje dəwje el, nɛ ɓasinè seḭ toje dəwje lə Ala lé. Kédé lé seḭ gərje meekɔrjol lə Ala el nɛ ɓasinè mée oso lemsé dɔ sí’g ya.