Lugu 19:44 - Maktub gə́ To gə Kəmee

⁴⁴ D’a kya̰ mbal kára dɔ maree’g gə mba kari el mbata ree gə́ deḛ ree d’ooi ndəa gən lé i gər dee keneŋ el lé.

Lugu 19:44 ပူးပေါင်းရင်းမြစ်များ

Pakɔsje 137:9

Rɔlel nai gə yeḛ gə́ twa ŋganije Kunda dee dɔ kɔr mbal’g vaga-vaga tɔl dee lé.

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 29:3

M’a kaḭ dɔi sub gə looje lai ləm, M’a kar kudu njérɔje d’aḭ dɔi sub gə rɔ ləma, M’a kuba dɔndalje rɔ ne səi ləm tɔ.

Jeremi 11:23

Dəw kára kara mbuna dee’g a nai el, mbata m’a kar némeeko̰ oso dɔ dəwje gə́ Anatot mee ləb gə́ m’a gə kar bo̰ néra dee ɔs ta dee’g lé.

Nɔ̰-ndôo gə́ wɔji dɔ Jerusalem 1:8

Njé gə́ Jerusalem lé d’ar kaiya ra dee Ḭ dɔ maree’d gə́ kédé-kédé, Gelee gə́ nee ɓa deḛ tel to ne néje gə́ to kḛji ya. Deḛ lai gə́ to njékula rɔnduba dɔ dee’gje lé D’ə̰ji dee bəḭ-bəḭ loo gə́ deḛ d’oo dee Loo-kaw-kudu-dum’g lə dee. Ndá deḛ kara tuma̰ ne ŋgururu-ŋgururu ləm, Tel ne kəm dee par gə́ raŋg ləm tɔ.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Loo gə́ killa rea kəm Daniel’g 9:26

Loo gə́ mee ndəaje gə́ siri-siri gɔl rɔ-misa̰-giree-joo godo mba̰ ndá yeḛ gə́ deḛ tər ubu dəa’g lé d’a tɔlee, tɔɓəi njetaa toree a godo. Dəwje lə mbai gə́ kára d’a ree mba tuji ɓee-boo ləm, gə loo gə́ to gə kəmee ləm tɔ. Rudu tuji a to kasəna gə ma̰-bélm bèe, tɔɓəi tujije d’a to keneŋ saar d’a təd ne rɔ.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Matiyo 24:2

Nɛ yeḛ tel ila dee keneŋ pana: Néje lai neelé see aaje lai ooje ya wa. Ma m’ula sí təsərə, mbal gə́ rara gə́ to dɔ na̰’d gə́ a lal jura naŋg el lé kára kara godo.

Mark 13:2

Jeju ilá keneŋ pana: See kəije gə́ boo-boo neelé i oo nja wa. Mbal kára kara gə́ d’unda dɔ maree’g gə́ a lal jura naŋg lé godo.

Lugu 1:68

Maji kar dɔ ri Mbaidɔmbaije Ala lə Israɛlje lé ai səgərə Mbata yeḛ ila kəmee dɔ koso-dəwje’g ləa ɔr dee ne ɔm dee tar.

Lugu 1:78

Mbɔl dɔ boo-meekɔrjol lə Ala lə sí lé ɓa Ar lookàr ḭ dara ndogó ne dɔ sí’g to gə́ kàr gə́ uba bər bèe,

Lugu 19:42

Ɓó lé ɓogənè gə́ to ndɔ kaḭ lé ɓa kəmi-i nja inja dɔ néje gə́ wɔji dɔ meekulɔm ləi bèe lé ɓa a maji yaa̰. Nɛ ɓasinè lé néje neelé d’iya rɔ dee kəmi’g pḛ́-pḛ́ nja ɓəi.

Lugu 21:6

Néje nee gə́ seḭ ooje lé loo gə́ ndəa a gə teḛ lé ndá mbal kára gə́ to dɔ maree’g gə́ a lal jura naŋg el lé godo.

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.