Lugu 19:14 - Maktub gə́ To gə Kəmee

¹⁴ Nɛ njéɓeeje ləa d’ə̰jee bəḭ-bəḭ ndá d’ula njékaḭkulaje gée’g mba kar dee pana: Jeḛ ndigi kar dəw neelé o̰ ɓee dɔ sí’g el.

Lugu 19:14 ပူးပေါင်းရင်းမြစ်များ

2 Samel 23:7

Dəw gə́ a gə kɔrɔ rɔ dee ndá A kwa dee gə kag-lar əsé kag-niŋga gə́ jia’g ɓa Tɔɓəi deḛ roo dee gə́ lé’gən ya tɔ.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Jakari 11:8

Ma m’tɔb njékulbadje munda mee naḭ gə́ kára ba ya. Rɔm asm dɔ dee’g ləm, deḛ ya kara d’ḛjim bəḭ-bəḭ ləm tɔ.

Lugu 14:32

Ɓó lé yeḛ as el ndá loo gə́ mbai maree nai əw ɓəi lé ndá yeḛ a kula njékaḭkulaje rəa’g mba kar dee d’ɔm ta lə dee na̰’d.

Lugu 19:13

Yeḛ ɓar kuraje ləa dɔg, ar dee ŋgon lar kára-kára ula dee ne pana: Telje kəmee saar m’a tel ree ɓəi.

Lugu 19:15

Loo gə́ d’ula mbai dəa’g mba̰ ɓa yeḛ tel ree ɓée ɓəi ndá yeḛ ula kula ɓar kuraje ləa gə́ yeḛ ar dee lar lé mba koo loo lar gə́ deḛ tel kəmee lé ŋga.

Lugu 19:27

Ges ta gə́ nai ɓa nee: Njéba̰je ləm gə́ ndigi karm m’o̰ ɓee dɔ dee’g el lé wa deeje gə́ nee amje ndá tɔl deeje kəm’g nee ya.

Tagə́maji gə́ Ja̰ ndang 1:11

Yeḛ ree rɔ dəwje ləa gə́ gəd-gəd ya nɛ deḛ d’wá gə́ rɔ dee’g el.

Tagə́maji gə́ Ja̰ ndang 15:18

Ɓó lé njé gə́ dɔ naŋg nee d’wa sí gə meḛ dee ndá maji kar sí gərje gao to gə́ d’wam gə meḛ dee kédé ɓa d’wa sí gə meḛ dee kən ɓəi.

1 Samel 8:7

Njesigənea̰ ula Samel pana: Maji kari aar gə koso-dəwje neelé dɔ taje lai gə́ d’a gə kulai’g lé ya. Mbata to i ɓa deḛ mbadi el, nɛ to ma ɓa deḛ mbadm gə mba kam m’o̰ ɓee dɔ dee’g el ŋga.