Lugu 19:12 - Maktub gə́ To gə Kəmee

¹² Yeḛ ula dee pana: Dəw kára gə́ gelee gə́ mbai lé ḭ aw ɓee gə́ əw gə mba kar dee d’ula mbai dəa’g d’aree un ne kula ko̰ɓee ɓa gə mba tel ree ɓəi.

Lugu 19:12 ပူးပေါင်းရင်းမြစ်များ

Matiyo 21:38

Loo gə́ njéndɔ-nduúje neelé d’aa loo d’oo ŋgon lé ndá d’ula njuma̰ meḛ na̰’d pana: Aa ooje, ŋgon gə́ njekwa-nénduba lé ya ŋga sí aw gə́ nee to ŋga. Reeje ɓó gə ar sí n’tɔleeje, j’ya̰je loo n’taaje ne nénduba ləa.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Mark 12:1

Jeju un ta si ndoo dee gə gosotaje pana: Dəw kára bèe wa ndɔ, ma̰a nduú keneŋ ndá yeḛ ula ŋgalaŋ gugu ne dəa ləm, yeḛ uru bwa keneŋ gə́ ka̰ mbula mán-nduú ləma, yeḛ uru pal ləm tɔ, tɔɓəi yeḛ wa ndɔ-nduú lé ula ji njéndəaje’g ɓa ɔd par aw mbá dɔ ɓee gə́ raŋg.

Mark 16:19

Mbaidɔmbaije lé loo gə́ yeḛ ɔr ta neelé ula dee togə́bè mba̰ ndá né unee mbuna dee’g igi səa dara kag aree si dɔ jikɔl Ala’g tɔ.

Lugu 20:9

Jeju un gosota nee si ndoo koso-dəwje pana: Dəw kára bèe wa ndɔ ma̰a nduú keneŋ, ɓa yeḛ wa ndɔ-nduú lé ula ji njéndəaje’g, ɔd par aw uru ɓee gə́ raŋg’d si keneŋ kuree əw.

Lugu 24:51

Loo gə́ yeḛ aar tɔr ndia dɔ dee’g bèe-bèe ndá yeḛ ɔd sa rəa igi dara kag.

Tagə́maji gə́ Ja̰ ndang 18:37

Pilatə tel dəjee pana: See i to gə́ mbai ya wa. Jeju tel ilá keneŋ pana: Yeḛ nja pa tai gən mba̰, ma m’to gə́ mbai ya. Deḛ d’ojim d’arm m’ree naŋg nee gə mba karm m’ɔr goo kankəmta lé. Nana ɓa gə́ to ka̰ kankəmta lé ndá a koo ndum ya.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

1 Njé gə́ Kɔrḭtə 15:25

Mbata lé riri kara yeḛ a to mbai dɔ dəwje lai-lai saar yeḛ a dum ne dɔ njéba̰je’g ləa lai kuba dee ne gin gɔlee’g més ya.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.