Lugu 18:8 - Maktub gə́ To gə Kəmee

⁸ Ma m’ula sí təsərə yeḛ a kḭ kalaŋ ra rəwta lə dee gə tɔgee ya. Nɛ see loo gə́ Ŋgon-dəw a gə ree lé see a kiŋga njémeekunje gə́ dɔ naŋg neelé nja to wa.

Lugu 18:8 ပူးပေါင်းရင်းမြစ်များ

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Gosota-Kəmkàrje 20:6

Dəwje bula d’ila mber néra maji lə dee-deḛ ya, Nɛ dəw gə́ to gə́ ŋgonkoji lé see na̰ ɓa askəm kiŋgá wa.

Esai 40:27

Seḭ ŋgaka Jakob lé see ban ɓa seḭ paje bèe wa. Seḭ Israɛlje lé see ban ɓa seḭ paje pana: Né gə́ wɔji dɔ sí lé Iya rəa kəm Njesigənea̰’g ləm, Né gə́ kəm kar sí j’iŋgaje lé Dəs no̰ Ala’g lə sí lal karee oo ləm tɔ ɓa paje bèe wa.

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Matiyo 8:20

Jeju ilá keneŋ pana: Bolé to njaaje to gən ga̰ ləm, kəi to yelje kara to gən ga̰ ləm tɔ. Nɛ Ŋgon-dəw lé oo loo gə́ mba kula dəa keneŋ taa kəmə el.

2 Piɛrə 2:3

Meeyèr gə́ meḛ dee’g lé ndam godo, yee ɓa, d’a sɔ sí ne gə taŋgɔmje lə dee ya. Deḛ lé gaŋg rəwta dɔ dee’g ləw ba lé to dɔ dee’g keg ɓəi ar tuji ya̰ dee ne gə goo ŋgalee el nja saar.