Lugu 18:43 - Maktub gə́ To gə Kəmee

⁴³ Léegəneeya yeḛ oo loo ndá yeḛ un rəw si njaa goo Jeju’g ləm, yeḛ pidi Ala ləm tɔ. Koso-dəwje lai neelé loo gə́ deḛ d’oo ndá deḛ pidi ne Ala tɔ.

Lugu 18:43 ပူးပေါင်းရင်းမြစ်များ

Pakɔsje 107:15

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje gə́ yeḛ ra ar dəwje lé ləm tɔ!

Pakɔsje 107:8

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje ləa gə́ yeḛ ra ar dəwje lé ləm tɔ!

Pakɔsje 146:8

Njesigənea̰ lé ar kəm njékəmtɔje teḛ ləm, Deḛ gə́ d’wa koŋgoŋ lé Njesigənea̰ nja ndɔji dee Ar dee d’aar dana njoroŋ ləma, Njéra né gə́ gə dɔ najee-je lé kara Njesigənea̰ lé unda dee dan kəmee’g ya ləm tɔ.

Pakɔsje 30:2

Ǝi Njesigənea̰, ma m’ula rɔnduba dɔi’g Mbata i nja unm urm tar, I ndigi kar njéba̰je ləm d’al rɔ dee dɔm’g el.

Esai 35:5

Yen ɓa kəm njékəmtɔje a kinja ləm, Mbi njémbikuduje kara d’a kinja bərəŋ ləm tɔ,

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Matiyo 21:14

Yen ŋga, njékəmtɔje rəm pər gə́ rəa’g mee kəi-Ala’g ndá yeḛ aji dee.

Matiyo 9:8

Loo gə́ koso-dəwje d’oo ndá deḛ ɓəl, d’ula ne rɔnduba dɔ Ala gə́ njekar rɔ dəwje ŋgəŋ togə́bè lé.

Lugu 13:17

Loo gə́ yeḛ pa togə́bè ndá njéba̰je ləa lai rɔkul ra dee, nɛ boo-dəwje lai lé d’al rɔ dee wɔji dɔ néje lai gə́ maji dum gə́ yeḛ ra lé tɔ.

Lugu 19:37

Tɔɓəi loo gə́ d’unda dɔ Jerusalem dəb par gə́ loo gə́ wɔji dɔ wəl mbal gə́ ria lə Koiyoje lé ndá boo-njékwakiláje d’al rɔ dee, pidi ne Ala gə ndu dee gə́ boi wəl-wəl mbata némɔrije lai gə́ deḛ d’oo gə kəm dee lé.

Lugu 4:39

Jeju aar dəa’g, rugu naŋg ndaŋg rɔko̰ neelé ndá rɔko̰ lé ḭ dəa’g kə̰geŋ. Léegəneeya məəm Simo̰je gə́ dené lé uba naŋg ḭta ndá ra né ar dee d’usɔ.

Lugu 5:26

Deḛ lai gə́ d’aar keneŋ lé kaar dee wa dee paḭ-paḭ ar dee pidi Ala lé tɔ. Ɓəl unda dee badə gaŋg dee ar dee pana: Ɓogənè lé jeḛ j’oo né gə́ dum loo gə́ doŋgɔ ya to ŋga.

Lugu 9:43

Néra gə́ boo lə Ala lé dum dɔ dəwje lai gə́ d’aar keneŋ neelé təs. To gə́ néra Jeju lai lé ar kaar nana kara wá paḭ-paḭ ndá yeḛ tel ula njékwakiláje pana:

Néra Njékaḭkulaje 11:18

Loo gə́ d’oo ta neelé mba̰ ndá meḛ dee oso naŋg po̰ ar dee d’ula rɔnduba dɔ Ala’g pana: Ala lé ya ar njétareeje d’wa ndòo rɔ dee dɔ kaiya’g lə dee gə mba kar dee-deḛ nja kara d’a si ne gə kəmə lé tɔ.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Néra Njékaḭkulaje 4:21

Deḛ d’ḭ d’ɔg dee rədədə dɔ’g gɔl kára ɓəi ɓa tel d’ɔm dee tar, deḛ d’oo loo ra sə dee né el mbata koso-dəwje lai d’ula rɔnduba dɔ Ala’g wɔji dɔ né gə́ teḛ togə́bè’g lé.

Njé gə́ Galati 1:24

Yen ŋga deḛ d’ula rɔnduba dɔ Ala’g gə mbàm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.