Lugu 18:38 - Maktub gə́ To gə Kəmee

³⁸ Loo gə́ yeḛ oo ndá yeḛ ɔr ndia gə́ tar wəl pana: Jeju, ŋgon Dabid, oo kəm lootondoo’g ya kari.

Lugu 18:38 ပူးပေါင်းရင်းမြစ်များ

Pakɔsje 62:12

Ala pata gɔl kára ba ya, Yee gə́ gɔl joo ləa lé m’oo oso mbim’g pana: Siŋgamoŋ lé to ka̰ Ala nja kára ba.

Esai 11:1

Tɔɓəi barkəmrɔ Isai a kidi dɔ jigee’g ləm, Barkəmee a tuba dɔ ŋgiraje’g ləm tɔ.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Matiyo 12:23

Boo-dəwje lai neelé kaar dee wa dee paḭ ar dee pana: See yeḛ gə́ aar neelé see to gə́ ŋgon Dabid el wa.

Matiyo 15:22

Dené gə́ ḭ ɓee gə́ Kana̰ lé dar Jeju bus ndá yeḛ ra ne wəl pana: Mbaidɔmbaije, ŋgon Dabid, oo kəm lootondoo’g ya kari. Ŋgonəm gə́ dené lé ndil gə́ yèr ula kəmee ndòo yaa̰.

Matiyo 21:15

Loo gə́ mbai dɔ njékinjanéməsje-je gə njéndaji-maktubje d’oo né gə́ maji gə́ yeḛ ra ləm, gə ŋganje gə́ ra né u-u-u mee kəi-Ala’g pana: Hosana arje ŋgon Dabid lé ndá meḛ dee ḭ dəa’g pu.

Matiyo 21:9

Deḛ gə́ njaa nea̰’g gə deḛ gə́ ndɔm gée’g lé ra né tar u-u-u pana: Hosana, arje ŋgon Dabid. Maji kar dɔkaisəgərə nai gə yeḛ gə́ ree gə ri Mbaidɔmbaije lé. Hosana, arje deḛ gə́ d’isi mee loo gə́ to tar sab lé ləm tɔ.

Matiyo 9:27

Jeju ḭ keneŋ ndá njékəmtɔje joo d’oré gée, deḛ ra né gə ndu dee gə́ boi wəl pana: Ŋgon Dabid, oo kəmtondoo lə sí ya kari.

Lugu 18:37

Deḛ d’ulá pana: Jeju gə́ Najaret ɓa si dəs ya.

Lugu 18:39

Deḛ gə́ d’un rəw kédé lé d’ḭ gə njekəmtɔ lé mba karee wa təa, nɛ yeḛ ila boo-ndia naŋg ra né aree al dɔ loo sula pana: Ŋgon Dabid, oo kəm lootondoo’g ya kari.

Njé gə́ Rɔmə 1:3

To ta lə Ŋgonee gə́ gəd-gəd gə́ d’ojee ginka Dabid’g, yeḛ ɓa wɔji dɔ darəa,

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.