Lugu 18:32 - Maktub gə́ To gə Kəmee

³² D’a kulá ji njépole-magəje’g ləm, d’a kula sul dəa’g ləm, d’a kundá ləma, d’a tibi yiro kəmee’g ləm tɔ.

Lugu 18:32 ပူးပေါင်းရင်းမြစ်များ

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Esai 52:14

To gə́ kédé yeḛ to né gə́ ar dəwje bula ɓəl ne Mbata kəmee to ndòo yaa̰ ləm, Rɔndɔḭ ləa to asəna gə ka̰ dəw el ləm tɔ lé

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Misee 5:1

I Betlehem, Eprata, I to ŋgon ɓee gə́ lam ba mbuna ŋgan-ɓeeje gə́ Juda ya, Nɛ yeḛ gə́ a ko̰ dəwje ləm gə́ Israɛl lé A kḭ rɔi’g ya. Gin koji ləa to gə́ kédé par-par ləm, To gə́ mee ndəaje gə́ kédé gə́ dɔtar ləm tɔ.

Matiyo 16:21

Ndəa neelé Jeju un kudu tɔji njékwakiláje ta pana: Ŋgatɔgje ləm, gə mbai dɔ njékinjanéməsje-je ləma, gə njéndaji-maktubje ləm tɔ lé d’a ra sə neḛ néurti kar neḛ n’wəi ndá ndɔ munda ɓa n’a kunda loo teḛ ɓəi. Yee gə́ bèe ɓa gə́ kuma̰ gə́ n’a gə kḭ kaw ne Jerusalem ya.

Matiyo 20:19

ndá d’a kulá ji njépole-magəje’g gə mba kar dee d’ula sul dəa’g ləm, gə kundá gə ndəi-kɔb ləma, gə ɗaree kaar kag’d ləm tɔ, nɛ ndɔ gə́ njekɔm’g munda ləa ndá yeḛ a kunda loo teḛ ya.

Matiyo 22:6

njé gə́ raŋg twa kuraje ləa neelé d’ula sul dɔ dee’g ləm, tɔl dee ləm tɔ.

Matiyo 26:67

Yee gə́ bèe ɓa deḛ tibi yiro kəmee’g ləm, deḛ tɔs kwɔjee ləma, deḛ kunda mbɔree ləm tɔ.

Matiyo 27:2

Deḛ d’wá teá ndər-ndər, ndɔree d’aw səa rɔ Pilatə gə́ to njeguburuɓee lé.

Mark 14:65

Njé gə́ na̰je d’un kudu tibi yiro kəmee’g ləm, deḛ ndèm kəmee gə kubu tɔsee gə ji dee dul-dul ləm tɔ pana: Gər yeḛ gə́ njekundai ar sí j’oo səi. Njéŋgəmlooje gə́ d’aa dəa lé kara kunda kwɔjee ka-ka tɔ.

Mark 15:1

Teḛ gə ndɔ rad, mbai dɔ njékinjanéməsje-je d’wa dɔ na̰ gə njé gə́ tɔgje ləm, gə njéndaji-maktubje ləma, gə njégaŋ-rəwtaje lə Jibje ləm tɔ mba kwɔji loo né gə́ d’a gə ra. Yen ŋga deḛ d’uba Jeju gə kúla njim-njim ndɔree d’aw d’ulá ji Pilatə’g.

Lugu 18:33

Tɔɓəi loo gə́ d’a kundá gə ndəi-kɔb mba̰ ndá d’a tɔlee ya tɔ, nɛ ndɔ gə́ njekɔm’g munda ləa ndá yeḛ a kunda loo teḛ loo-yoo’g.

Lugu 23:1

D’uba naŋg lai d’ḭ ndɔr Jeju d’aw səa no̰ Pilatə’g.

Lugu 23:11

Yen ŋga Herɔdə gə njéŋgəmlooje ləa d’ée gə́ dəw el, tɔɓəi loo gə́ d’ula sul dəa’g ləm, d’ula kubu gə́ ndoolé yḛd-yḛd rəa’g ləm tɔ ndá d’ar dee tel d’aw səa rɔ Pilatə’g.

Lugu 23:35

Koso-dəwje d’aar d’aa loo gə́ keneŋ sɔmɔmo̰. Mbai dɔ njégaŋ-rəwtaje-je d’ula sul dɔ Jeju’g pana: Yeḛ aji njé gə́ raŋg, ɓó lé yeḛ to Kristi gə́ Ala ɔree undá gə kəmee ndá maji karee aji rəa-yeḛ ya tɔ.

Tagə́maji gə́ Ja̰ ndang 18:22

Loo gə́ Jeju ilá keneŋ togə́bè lé ndá njekaa dɔ loo kára gə́ aar keneŋ lé unda təa gə jia pai pana: See i ndigi ta ŋgɔ-njekinjanéməs’g lé togə́bè wa.

Tagə́maji gə́ Ja̰ ndang 18:28

Deḛ d’ḭ gə Jeju ɓee lə Kayipə d’aw səa kəi-mbai lə njeguburuɓee teḛ gə ndɔ rad ya. Deḛ d’ila gɔl dee kəi-mbai lə njeguburuɓee lé el nà rɔ dee a mina̰ ne ɓa a kɔg dee ne loo sɔ né Pag ya.

Tagə́maji gə́ Ja̰ ndang 18:30

Deḛ tel d’ilá keneŋ pana: Ɓó lé yeḛ to gə́ njera némajel el ndá j’a kulá jii’g el tɔ.

Tagə́maji gə́ Ja̰ ndang 18:32

Yee ɓa ar ta gə́ Jeju pa kédé wɔji ne dɔ kwəi ləa lé aw lée’g béréré ya.

Tagə́maji gə́ Ja̰ ndang 18:35

Pilatə ilá keneŋ pana: Ma lé see m’to gə́ Jib wa. Njé gə́ gin ɓee ləi gə mbai dɔ njékinjanéməsje-je ɓa deḛ nja d’ulai jim’g. Nɛ see ɗi ɓa i ra ɓəi wa.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Néra Njékaḭkulaje 3:13

Ala lə Abrakam gə Isaak gə Jakob, Ala lə ka síjeḛ lé ɓa ula rɔnduba dɔ kura’g ləa Jeju, yeḛ gə́ seḭ uláje ji Pilatə’g ləm, seḭ mbadeeje ləm tɔ nɛ yeḛ lé wɔji-kwɔji kilá tar.