Lugu 18:19 - Maktub gə́ To gə Kəmee

¹⁹ Jeju tel ilá keneŋ pana: See ban ɓa i ɓarm dəw gə́ maji wa. Ala kára ba kiao ɓa gə́ dəw gə́ maji ya.

Lugu 18:19 ပူးပေါင်းရင်းမြစ်များ

Maktub gə́ wɔji dɔ Jɔb 14:4

See na̰ ɓa askəm kar né gə́ àr ŋgad-ŋgad unda loo teḛ mee dəw gə́ mina̰’g wa. Dəw kára kara gə́ askəm ra bèe godo.

Maktub gə́ wɔji dɔ Jɔb 25:4

See dəw to njera né gə́ gə dɔ najee no̰ Ala’g lé to gə́ ban wa. See dəw gə́ dené ojee lé a kàr ŋgad-ŋgad to gə́ ban wa.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Lugu 11:13

Seḭ gə́ toje njémeeyèrje ɓəi-ə lé gərje loo karje ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee Ndilmeenda lé ɓəi wa.

Lugu 18:18

Mbai kára bèe dəji Jeju pana: Mbai gə́ maji, see m’a ra ba̰ gə mba si ne gə kəmə gə́ gə no̰ lé wa.

Lugu 18:20

I gər ta godnduje maji ya. Mbata godndu lé pana: I a ndal mɔdkaiya el ləm, i a tɔl dəw el ləm, i a ɓogoje el ləm, i a təd ta kundaje ta mari’g el ləma, i a tədjekag bɔbije gə kɔinje ləm tɔ.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.