Lugu 18:16 - Maktub gə́ To gə Kəmee

¹⁶ Nɛ Jeju ɓar dee ula dee pana: Ya̰je ŋganje ar deeje ree rɔm’g ɓó ɔg deeje rəw el. Mbata ɓeeko̰ gə́ dara lé to mbata deḛ gə́ to d’asəna sə dee bèe tɔ.

Lugu 18:16 ပူးပေါင်းရင်းမြစ်များ

Gḭ-Néje 21:4

Abrakam inja tamɔd Isaak gə́ to ŋgonee lé loo gə́ ndəa aḭ jinaijoo to gə́ Ala un ne ndia aree lé tɔ.

2 Sôrta Gḭka Israɛlje 20:13

Judaje lai d’aar tar no̰ Njesigənea̰’g gə njémeekəije’g lə deḛ gə́ to denéje lə dee gə ŋgan deeje lé.

Jeremi 32:39

M’a kar meḛ dee gə panjaa dee to asəna kára ba mba kar dee ɓəlm saar gə no̰ mbata maji lə dee-deḛ ləm, gə ka̰ ŋgan deeje-je gə́ goo dee’g ləm tɔ.

Matiyo 19:14

Jeju ula dee pana: Ya̰je ŋganje neelé ar deeje ree rɔm’g ɓó ɔg deeje rəw el, mbata ɓeeko̰ gə́ dara lé to mbata lə deḛ gə́ to d’asəna sə dee bèe ya tɔ.

Lugu 18:15

Deḛ d’isi ree gə ŋganje gə́ nai gɔ-gɔ rəa’g gə mba karee ila jia dɔ dee’g. Loo gə́ njékwakila Jejuje d’oo togə́bè ndá deḛ d’ḭ gə deḛ gə́ d’isi ree gə ŋganje gə́ rəa’g lé.

Lugu 18:17

Ma m’ula sí təsərə, nana ɓa gə́ taa ɓeeko̰ lə Ala lé gə mée asəna gə ŋgon gə́ gɔ lé el ndá yeḛ a kula dəa keneŋ pai godo.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

1 Njé gə́ Kɔrḭtə 14:20

Ŋgakɔmje, ta gə́ wɔji dɔ kɔr kəm ta lé maji kar sí tɔgje dɔ’g kaŋ-kaŋ ɓó telje ŋganje keneŋ el. Ta gə́ yèr ɓa maji kar sí toje ŋganje gə́ kas dɔ’g.

1 Njé gə́ Kɔrḭtə 7:14

Diŋgam gə́ un mée el ɓəi lé mbɔl dɔ dené ɓa yeḛ tel ne dəw gə́ to gə kəmee, dené gə́ un mée el ɓəi kara mbɔl dɔ ŋgabeeje ɓa yeḛ tel ne dəw gə́ to gə kəmee to. Ɓó lé seḭ raje togə́bè ndá ŋgan síje d’a kàr raŋg-raŋg nɛ ɓó lé seḭ raje togə́bè el ndá ŋgan síje d’a kàr el tɔ.

Tel tura Godndu 29:11

gə mba kɔm na̰’d gə manrɔ gə manrɔ lə Njesigənea̰, Ala lə sí, to manrɔ gə́ Ala lə sí gə́ Njesigənea̰ man ne rəa ar sí ɓogənè gə rɔkubu lé

Tel tura Godndu 31:12

Seḭ a mbo̰je koso-dəwje, diŋgamje, denéje, ŋganje, gə dəw-dɔ-ɓeeje gə́ d’isi mbuna sí’g gə mba kar dee d’oo ndu sí ləm, kar dee ndoo ne loo ɓəl Ala lə sí gə́ Njesigənea̰ ləma, gə mba kar d’aa dɔ taje lai gə́ to mee godndu’g neelé gə mba ra née ləm tɔ.

1 Piɛrə 2:2

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g,