Lugu 17:25 - Maktub gə́ To gə Kəmee

²⁵ Nɛ lé riri kara néurti a rəa yaa̰ kédé ləm, ginka dəwje gə́ nee d’a mbadee ləm tɔ.

Lugu 17:25 ပူးပေါင်းရင်းမြစ်များ

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Matiyo 16:21

Ndəa neelé Jeju un kudu tɔji njékwakiláje ta pana: Ŋgatɔgje ləm, gə mbai dɔ njékinjanéməsje-je ləma, gə njéndaji-maktubje ləm tɔ lé d’a ra sə neḛ néurti kar neḛ n’wəi ndá ndɔ munda ɓa n’a kunda loo teḛ ɓəi. Yee gə́ bèe ɓa gə́ kuma̰ gə́ n’a gə kḭ kaw ne Jerusalem ya.

Matiyo 21:42

Yen ɓa Jeju ula dee pana: See ta nee gə́ to mee maktub gə́ to gə kəmee lé seḭ turaje el wa. Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ. Mbaidɔmbaije ɓa ra ar sí. To né gə́ dum kəm sí ya tɔ.

Mark 10:33

Aa ooje, j’isi j’aw gə́ Jerusalem ŋga ndá d’a gə kula Ŋgon-dəw lé ji mbai dɔ njékinjanéməsje-je’g gə ji njéndaji-maktubje’g tɔ. D’a kɔr ta yoo kɔm dəa’g ndá d’a kulá ji njépole-magəje’g tɔ.

Mark 12:10

Ta nee gə́ to mee maktub gə́ to gə kəmee lé see seḭ turaje el ɓəi wa. Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ.

Mark 8:31

Yen ŋga yeḛ un kudu ndoo dee ta né gə́ a gə teḛ dəa’g neelé pana: Ŋgon-dəw lé lé riri kara néurti a rəa yaa̰ ləm, njé gə́ tɔgje gə mbai dɔ njékinjanéməsje-je gə njéndaji-maktubje d’a kɔsee rəw ndá d’a tɔlee tɔ, nɛ ndɔ munda gogo ndá yeḛ a kunda loo teḛ dan njé gə́ d’wəi’g ya.

Mark 9:31

Mbata yeḛ ndoo njékwakiláje lé ula dee pana: D’a kwa Ŋgon-dəw lé kulá ji dəwje’g, d’a tɔlee ya ndá ndɔ munda gogo lé yeḛ a kunda loo teḛ dan njé gə́ d’wəi’g.

Lugu 18:31

Jeju wa deḛ gə́ dɔg-gir-dee-joo lé gə́ rəa’g ula dee pana: Kaw sí gə́ j’isi j’aw gə́ Jerusalem lé néje lai gə́ njéteggintaje ndaŋg taree mee maktub’g d’wɔji ne dɔ Ŋgon-dəw lé d’a ra gə mba karee aw lée’g béréré ya.

Lugu 18:33

Tɔɓəi loo gə́ d’a kundá gə ndəi-kɔb mba̰ ndá d’a tɔlee ya tɔ, nɛ ndɔ gə́ njekɔm’g munda ləa ndá yeḛ a kunda loo teḛ loo-yoo’g.

Lugu 24:46

Yeḛ ula dee pana: Togə́bè deḛ ndaŋg taree mee maktub’g pana: Kristi lé néurti a rəa ləm, ndɔ munda ndá yeḛ a kunda loo teḛ dan njé gə́ d’wəi’g ləm,

Lugu 9:22

Tɔɓəi Jeju ila ta dɔ’g pana: Ŋgon-dəw lé lé riri kara néurti a rəa yaa̰ ləm, ŋgatɔgje gə mbai dɔ njékinjanéməsje-je gə njéndaji-maktubje d’a kɔsee rəw ləma, d’a tɔlee ləm tɔ nɛ ndɔ munda gogo ndá yeḛ a kunda loo teḛ loo-yoo’g.

Tagə́maji gə́ Ja̰ ndang 1:11

Yeḛ ree rɔ dəwje ləa gə́ gəd-gəd ya nɛ deḛ d’wá gə́ rɔ dee’g el.

Tagə́maji gə́ Ja̰ ndang 12:38

mba kar ta gə́ Esai njetegginta pa lé aw lée’g béréré, mbata yeḛ pana: Mbaidɔmbaije, see na̰ ɓa ɔm mée dɔ ta gə́ jeḛ j’ɔr j’ula dee lé wa. See na̰ ɓa oo ji Mbaidɔmbaije keneŋ wa.

1 Samel 10:19

Nɛ ɓogənè seḭ mbadje Ala lə sí, yeḛ gə́ ɔr sí dan némajelje’g lə sí lai ləm, gə dan némeekonje’g lə sí lai ləm tɔ ndá seḭ uláje pajena: Maji karee unda mbai dɔ sí’g. Ɓasinè lé gə́ reeje aarje no̰ Njesigənea̰’g gə goo ginkojije lə sí ləm, gə goo bula lə sí gə́ tɔl-dɔg-dɔg (1.000) ləm tɔ.

1 Samel 8:7

Njesigənea̰ ula Samel pana: Maji kari aar gə koso-dəwje neelé dɔ taje lai gə́ d’a gə kulai’g lé ya. Mbata to i ɓa deḛ mbadi el, nɛ to ma ɓa deḛ mbadm gə mba kam m’o̰ ɓee dɔ dee’g el ŋga.