Dené gə́ ḭ ɓee gə́ Kana̰ lé dar Jeju bus ndá yeḛ ra ne wəl pana: Mbaidɔmbaije, ŋgon Dabid, oo kəm lootondoo’g ya kari. Ŋgonəm gə́ dené lé ndil gə́ yèr ula kəmee ndòo yaa̰.
Ndil gə́ yèr lé unee ilá per’d ləm, gə dan mán’g gə mba karee udu ləm tɔ, as gɔl bula ya ɓasinè ŋga. Nɛ ɓó lé i askəm ra né ndá ra né la ne sə sí oo ne kəm to ndòo lə sí ya kɔgərɔ kari.
Loo gə́ yeḛ oo dee ndá yeḛ ula dee pana: Awje aw undaje rɔ sí arje njékinjanéməsje d’oo. Nɛ loo gə́ d’ɔd d’isi d’aw lé ndá ba̰ji ɔr rɔ dee’g ndɔs-ndɔs.
Simo̰ tel ilá keneŋ pana: Mbai, jeḛ lé j’ɔs ka̰ji loondul’g ya saar j’ar loo àr dɔ sí’g təsərə, j’wa ka̰ji gə́ rḛdeŋ el, nɛ ɓó lé i nja ulam bèe ndá m’a kula bura mán pá koo ya.
