Lugu 17:12 - Maktub gə́ To gə Kəmee

¹² Yeḛ teḛ ɓee gə́ kára bèe ndá njéba̰je dɔg d’ḭ tila kəmee. Deḛ d’aar ŋgərəŋ d’ila boo-ndu dee naŋg pana:

Lugu 17:12 ပူးပေါင်းရင်းမြစ်များ

2 Mbaije 5:27

Bèe ɓa ba̰ji lə Naaman a tilai ləm, gə ŋgakaije ləm tɔ saar gə no̰. Loo gə́ Gehaji ḭ rɔ Elije’g unda loo teḛ ndá ba̰ji lé ndá rəa’g hododo tɔ.

2 Mbaije 7:3

Tarəwkɔg lə ɓee-boo lé njéba̰jije sɔ d’isi keneŋ, d’ula na̰ ta yo gə́ nee pana: Kwii! See gelee ban ɓa j’a si loo gə́ nee’g ya saar kwəi wa.

Teḛ-Raga 4:7

Njesigənea̰ ulá tɔɓəi pana: Un jii ila kaari’g gogo ɓəi. Yeḛ un jia ila kaaree’g gogo ɓəi tɔ, tɔɓəi yeḛ tel ɔr jia kaaree’g ndá aa oo, jia lé tel to asəna gə darəa gə́ kédé lé ya tɔ.

Bula lə Israɛlje 12:14

Njesigənea̰ ula Moyis pana: Ɓó lé bɔbeeje tibi yiro kəmee’g ndá see yeḛ a to nérɔkul as ndəa siri el wa. Maji kar dee d’udee kəi as ndəa siri gir loo-si dee gə́ raga, ndá gée gə́ gogo ɓa d’a kwá gə́ rɔ dee’g ɓəi.

Lugu 18:13

Nɛ njetaa lar-gədɓee lé unda rəa ŋgərəŋ, yeḛ ɓəl koo loo kun kəmee tar gə́ dara nɛ yeḛ unda kaaree gə jia rii pana: Wai Ala, ma gə́ m’to gə́ njekaiya lé ar məəi oso lemsé dɔm’g ya kari.

Lugu 5:12

Loo gə́ Jeju sí mee ɓee-boo gə́ kára bèe ndá diŋgam kára gə́ ba̰ji ila bina rəa’g mbə̰gərə-mbə̰gərə aa loo ée ndá rəm oso naŋg bəbərə dəb kəmee naŋg nea̰’g, un ta ulá oso ne ndòo pana: Mbaidɔmbaije, ɓó lé məəi ndigi ndá i askəm kar rɔm ɔr ɓə̰dərə-ɓə̰dərə ya.