Lugu 16:23 - Maktub gə́ To gə Kəmee

²³ Yeḛ si loo-si njé gə́ d’wəi’g ndá dan néurti gə́ rəa lé yeḛ un kəmee gə́ tar aa ne loo oo Abrakam si ŋgərəŋ ndá yeḛ oo Lajarə si mbɔree’g tɔ.

Lugu 16:23 ပူးပေါင်းရင်းမြစ်များ

Pakɔsje 16:10

Mbata i a kya̰’m ɓee lə njé gə́ d’wəi’g lé el ləm, Yeḛ gə́ i undá dan kəmi’g lé I a kyá̰ k aree unda naŋg ndəs el ləm tɔ.

Pakɔsje 49:15

D’ɔm dee ɓee lə yoo to gə́ koso-nékulje bèe Ar yoo ɓa unda dee gə́ nésɔ ləa, Waga ndá njéra nédanaje ɓa mbula dee naŋg gə gɔl dee ya ləm, Kura lə dee sané pá ləma, Ɓee lə yoo ɓa to loo-si dee ləm tɔ.

Pakɔsje 86:13

Mbata meemaji ləi gə́ i ra səm lé Boo al dɔ loo sula ya, I nja ɔrm suna ɓee’g lə njé gə́ d’wəi’g.

Pakɔsje 9:17

Njesigənea̰ riba dɔ rəa gaŋg ne rəwta gə́ gə dɔ najee, Yeḛ ar gum néra majel lə njémeeyèrje tel wa dee.

Gosota-Kəmkàrje 15:24

Kila-rəw gə́ ka̰ si kəmba lé To par gə́ tar mbata lə njekəmkàr Gə mba karee ya̰ ne rəw gə́ aw gə́ ɓee lə njé gə́ d’wəi gə́ gin naŋg’d.

Gosota-Kəmkàrje 5:5

Gɔlee aḭ par gə́ loo-yoo’g ləm, Rəw-kabee aw njal teḛ ɓee lə njé gə́ d’wəi’g ləm tɔ.

Gosota-Kəmkàrje 7:27

Kəi ləa to rəw gə́ aw gə́ ɓee lə njé gə́ d’wəi’g ləm, Yee aw gə́ ɓee lə yoo ləm tɔ.

Gosota-Kəmkàrje 9:18

Nɛ debee neelé gər to gə́ lée neelé To loo lə njé gə́ d’wəi bèe el ləm, Deḛ gə́ yeḛ ɓar dee lé kara Yeḛ gər to gə́ d’isi wəl-looje’g Le njé gə́ d’wəi lé el ləm tɔ.

Esai 14:15

Nɛ d’ɔsi piriŋ d’ilai Ɓee lə njé gə́ d’wəi’g Mee bwa gə́ uru ŋgudu-ŋgudu’g.

Esai 14:9

Loo-si njé gə́ d’wəi’g lé D’aw dɔ na̰’d wur-wur keneŋ Mba kwai gə́ rɔ dee’g loo ree’g ləi, Deḛ ndel njé gə́ d’wəi lé nɔḭ’g, Dəwje gə́ boo-boo lai gə́ dɔ naŋg nee ləm, Gə mbaije lə ginkoji dəwje gə raŋg lai lé Deḛ d’ḭ dɔ kalimbaije’g lə dee ləm tɔ.

Matiyo 11:23

I ɓee gə́ Kapernawum, see d’a kuni kundai tar dara wa. Wah! D’a rəm səi yəm saar gə́ ɓee lə yoo. Némɔrije gə́ deḛ ra mbuna sí’g, ɓó lé deḛ ra Sɔdɔm ndá saar ɓogənè kara Sɔdɔm a nai keneŋ ɓəi.

Matiyo 18:9

Ɓó lé kəmi ɓa a kɔdi dan kaiya’g ndá ɔr unda piriŋ ila kɔ, aw gə kəmi kára ba gə́ loo gə́ a si gə kəmə keneŋ lé maji unda kar dee d’wai gə kəmi bɔr d’ilai ne dan pər gehene’g.

Matiyo 23:33

Seḭ ŋgan li-meewaije lé gehene ɓa to gə́ loo gə́ bo̰ néra sí a kɔs ta sí’g keneŋ ya nɛ see ɗi ɓa seḭ a raje gə mba teḛje ne ta’g wa.

Matiyo 5:22

Nɛ ma nja m’ula sí woḭ, nana ɓa gə́ ra meeko̰ dɔ ŋgokea̰’g ndá d’a koso səa loo-gaŋg-rəwta’g ya. Yeḛ gə́ taji ŋgokea̰ ɓaree mbə lé ndá d’a koso səa loo-gaŋg-rəwta lə Jibje. Yeḛ gə́ ɓar ŋgokea̰ kɔr ndá pər gehene’g ɓa gə́ bo̰ nérea gə́ a kɔs təa’g.

Matiyo 5:29

Ɓó lé kəmi gə́ dɔkɔl a gə kɔdi loo-kaiya’g ndá ɔs wɔgədɔ ɔr unda piriŋ ilá kɔ mbata kar dəb rɔi tuji kára, maji yaa̰ unda kar dee d’uri gehene’g tuma̰ gə kubururɔi bura.

Matiyo 8:29

Deḛ ra né ɓəgəgə-ɓəgəgə pana: I Ŋgon-Ala lé see ɗi ləi ɓa to rɔ sí’g wa. See i ree mba kula kəm sí ndòo kédé yal ɓa kar ndəa teḛ ɓəi wa.

Lugu 16:24

Yeḛ ula təa no̰’g wəl pana: Bɔm Abrakam, oo kəmtondoo ləm ya kari ndá ula Lajarə aree ula ŋgaw jia mán’g ree ɔs ndɔm’g aree kul ne bəl lɔm, mbata pər ulam ndubu yaa̰.

Lugu 16:28

mba karee ɔr gin néje neelé ar dee d’oo gə mba kar dee ree d’isi dan néurti’g neelé el.

Lugu 8:28

Loo gə́ yeḛ un kəmee ɓèd ila dɔ Jeju’g ndá yeḛ uru kii pénéné, rəm bəbərə oso naŋg gɔl Jeju’g, pata gə ndia gə́ boi wəl pana: Ŋgon-Ala gə́ Njekurdɔloo’g, see ɗi ləi ŋga to rɔm’g wa. Ma m’ra ndòo rɔi’g, maji kar i ra səm néɓəŋgərəti el nja kari.

1 Njé gə́ Kɔrḭtə 15:55

Wah! yoo, see loo kun baŋga ləi to ra wa. Wah! yoo, see nékadje ləi to ra wa.

2 Piɛrə 2:4

Mbata ɓó lé kuraje gə́ dara gə́ ra kaiya lé Ala ɔm dee’g el, nɛ yeḛ wa dee ɓugu dee mee bwa-wəl gə́ ndul ndiŋ-ndiŋ gə́ suna godo’g ŋgina ne ndɔ gaŋg rəwta gə́ d’a gə gaŋg dɔ dee’g lé,

Loo gə́ killa rea kəm Ja̰’g 20:10

Njekurai gə́ su kəm dee lé d’wá d’ilá dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé loo gə́ da gə njéteggintaje gə́ ŋgɔm d’isi keneŋ. Ndá néurti a kula kəm dee ndòo dan kàrá gə loondul’g gə ləb dee ləb dee saar-saar gə no̰.