Lugu 16:20 - Maktub gə́ To gə Kəmee

²⁰ Njendoo kára gə́ ria lə Lajarə lé bairaŋ to rəa’g mbərərə to takəi’g lə bao lé.

Lugu 16:20 ပူးပေါင်းရင်းမြစ်များ

Maktub gə́ wɔji dɔ Jɔb 2:7

Yen ŋga Njekurai ɔd no̰ Njesigənea̰’g aw. Tɔɓəi yeḛ ar rɔ Jɔb pélé ḭ gɔlee’g naŋg saar teḛ dəa’g tar.

Pakɔsje 34:19

Njesigənea̰ aar mbɔr deḛ gə́ ɓəŋgərə dee ti dus’g lé Yeḛ aji deḛ gə́ ndil dee unda bala tigi-tigi lé tɔ.

Pakɔsje 73:14

Ndɔje kára-kára lai lé nékəmndooje ram ləm, Teḛ gə ndɔ gə ndɔje kára-kára lai lé I ar bo̰ néram ɔs tam’g ləm tɔ.

Esai 1:6

Un ŋgira gɔl sí’g naŋg saar Teḛ dɔ sí’g tar lé Né kára gə́ maji godo keneŋ, To gə́ doo ya bura ləm, Gə doo gə́ dɔ mundu ləma, Gə doo yii ləm tɔ Gə́ lal kɔm mán keneŋ ləm, Gə lal tɔ ləma, Gə lal kunda ubu təa’g karee kul lɔm ləm tɔ.

Jeremi 8:22

See kuma̰ godo Galaad’g wa. See njekuma̰-kaji godo wa. See gelee ban ɓa koso-dəwje ləm d’aji el wa.

Matiyo 26:71

Yeḛ ḭ ŋgəs par gə́ tarəwkəi’g. Ŋgonjelookisi gə́ dené gə́ raŋg aa loo ée ndá ula deḛ gə́ d’aar keneŋ lé pana: Dəw neelé aw gə Jeju gə́ Najaret lé na̰’d ya.

Lugu 16:19

Dəw kára gə́ to bao lé ula kubu gə́ ndul piro-piro gə́ bḭ maji rəa’g ləm, si dan maji’g gə dan rɔlel’g gə ndəa-ndəa ləm tɔ.

Lugu 16:21

Njendoo lé ndiŋga rəa gə mba sɔ bum muru lə bao gə́ ɔm naŋg gel tabul’g. Ndá bisije ɓa ree to̰ ta doo bairaŋ ləa.

Tagə́maji gə́ Ja̰ ndang 11:1

Dəw kára ria lə Lajarə oso gə rɔko̰ mee ɓee gə́ Betani, to ɓee lə Mari gə ŋgokea̰ Martə lé tɔ.

Néra Njékaḭkulaje 3:2

Deḛ d’iŋga diŋgam kára gə́ d’ojee gə́ gudugur. Gə ndɔje kára-kára lai lé d’unee d’undá ta kəi-Ala’g, to takəi gə́ d’unda ria lə Kura Yaa̰ gə mba karee kwɔi né deḛ gə́ d’isi d’andə kəi-Ala’g gə kəmndoo.

Maktub gə́ Jak ula ne ar ngan-Allaje 1:9

Ŋgoko̰ sí gə́ njendoo lé maji karee nda mée kaḭ mbata d’unee d’unda daŋdɔ.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.