Lugu 16:2 - Maktub gə́ To gə Kəmee

² Yeḛ ɓaree dəjee pana: See ta ɗi ɓa pa dɔi’g ɓa m’oo nee wa. Tura goo néje ləm gə́ m’ɔm jii’g lé am m’oo mbata i askəm to njekaa dɔ néje ləm gogo el ŋga.

Lugu 16:2 ပူးပေါင်းရင်းမြစ်များ

Njekillamber 12:14

Mbata Ala a ree gə kula ra síje lai loo-gaŋg-rəwta’g kwɔji ne dɔ néje lai gə́ to loo-ŋgəḭ’g lé, lé to né gə́ maji əsé né gə́ majel ya kara ləm tɔ.

Matiyo 12:36

Ma m’ula sí təsərə, ndɔ gaŋg-rəwta lé tapa dəwje gə́ deḛ pa gə́ sin-sin lé d’a teg wad-wad.

Matiyo 20:8

Loo gə́ kàr andə mba̰ ndá njendɔ-nduú lé ɓar njekaa dɔ néje ləa ulá pana: Ɓar njékulaje lé ɓó gə uga dee, un kudee dɔ deḛ gə́ ree gogo’g lé ɓa teḛ ne dɔ deḛ gə́ ree kédé’g ɓəi.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

Lugu 12:42

Mbaidɔmbaije ilá keneŋ pana: See na̰ ɓa gə́ kura gə́ to majikoji gə́ inja paw gə́ mbai ləa aree si gə́ njekaa dɔ kuraje’g ləa gə́ raŋg gə mba kai dee nésɔ dee gə lée-lée lé wa.

Lugu 16:1

Jeju ula njékwakiláje pana: Dəw kára gə́ to bao lé njekaa dɔ néje ləa si gən, nɛ deḛ səg njekaa dɔ néje ləa neelé rəa’g mbata néje lə ɓéeje gə́ yeḛ sané yaa̰ lé.

Lugu 16:3

Njekaa dɔ néje neelé pata mée’g pana: See m’a ra ban ŋga wa mbata ɓémje ɔr kula kaa dɔ néje ləa jim’g mba̰. Ndɔ lé kara ma m’askəm to gə́ njḛdəa el ləm, né gə́ kwɔi gə́ kəmndoo lé kara to rɔkul am-ma yaa̰ ləm tɔ.

Njé gə́ Rɔmə 14:12

Togə́bè ɓa nana kara mbuna sí’g a kaar no̰ Ala’g gə mba kula goo néje gə́ yeḛ ra lé tɔ.

1 Njé gə́ Kɔrḭtə 1:11

Tɔgərɔ, ŋgakɔmje, deḛ gə́ d’isi kəi lə Kloe lé d’ulam pana: Ta tḭ-na̰ oso mbuna sí’g.

1 Njé gə́ Kɔrḭtə 4:2

Kar njekaa dɔ néje lé to majikoji, yee ɓa gə́ kuma̰ karee taa kəm njekəi.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

1 Timote 4:14

Nénoji gə́ i iŋga gə goo tapa njéteggintaje loo gə́ ŋgatɔgje mbo̰ dɔ na̰ tɔr ne ndu dee d’ila ne ji dee dɔi’g lé maji kari ndoo bao dɔ’g el.

1 Timote 5:24

Kaiya ra dəwje gə́ na̰je to raga pai-pai mba̰ ɓa ar ta gə́ gaŋg wa ne dɔ dee ɓəi, nɛ ɓee lə dəwje gə́ raŋg lé deḛ lɔm dɔ’g waga ɓa gin kaiya ra dee lé teḛ ne raga ɓəi.

1 Piɛrə 4:10

Nana ɓa gə́ Ala aree nénoji lé ndá maji karee ar mareeje mbo̰ səa na̰ dɔ’g. Togə́bè ɓa seḭ a toje ne kankəm njékaa dɔ nénojije lə Ala gə́ ɓəd-ɓəd lé ya.

1 Piɛrə 4:5

Deḛ nja d’a teggin néra dee kar yeḛ gə́ si pèrèrè mba gaŋg rəwta dɔ deḛ gə́ d’isi kəmba lé ləm, gə deḛ gə́ d’wəi’g lé ləm tɔ.

Loo gə́ killa rea kəm Ja̰’g 20:12

M’oo njé gə́ d’wəi gə́ to dəwje gə́ boo-boo gə njé gə́ gɔ-gɔ gə́ d’aar no̰ kalimbai’g lé. Yeḛ woḭ mee maktubje, tɔɓəi yeḛ woḭ mee maktub gə́ raŋg’d, yeḛ gə́ to maktub kəmə lé. Ndá deḛ gaŋg rəwta dɔ njé gə́ d’wəi’g lé gə goo ta gə́ ndaŋg mee maktubje’g neelé.