Lugu 16:19 - Maktub gə́ To gə Kəmee

¹⁹ Dəw kára gə́ to bao lé ula kubu gə́ ndul piro-piro gə́ bḭ maji rəa’g ləm, si dan maji’g gə dan rɔlel’g gə ndəa-ndəa ləm tɔ.

Lugu 16:19 ပူးပေါင်းရင်းမြစ်များ

Este 8:15

Mardose unda loo kəi lə mbai teḛ gə kubu-mbai gə́ ndul ɗigi gə ndá kələw-kələw ləm, gə dɔgugu gə́ boi gə́ ra gə larlɔr dəa’g ləma, gə kubu gə́ boi yul gə́ d’ṵji gə kúla palégal gə́ ndul piro-piro ləm tɔ. Dəwje gə́ ɓee-boo gə́ Susə lé d’ɔr ndu dee gə́ tar wəl gə rɔlel d’al ne rɔ dee tɔ.

Gosota-Kəmkàrje 14:24

Nébao to dɔgugu lə njékəmkàrje, Nɛ néra mbə lə mbə-dəwje lé To némbə ya gə́ kédé-kédé.

Gosota-Kəmkàrje 31:22

Yeḛ ṵji bel-kubuje gə́ ndər mbata ləa-yeḛ ləm, Kubuje ləa-yeḛ to kubu gə́ ra gə kúla palégal gə́ maji ləm, Gə ndajee ndul piro-piro ləm tɔ.

Esai 3:23

Gə nékoo-kəmje ləm, gə kubu-kaar gə́ ra gə kúla palégal ləm, Gə jɔg-kula-dɔ’g ləma, gə kubu gə́ ka̰ kila dɔ maree’g ləm tɔ.

Ejekel 16:13

Togə́bè ɓa deḛ ɗɔi rɔi gə larlɔr gə larnda ləm, d’ula kubu gə́ d’ṵji gə kúla palégal rɔi’g ləm, gə kubu gə́ bḭ-maji ləma, gə kubuje gə́ d’ɔs ndaji ta’g ləm tɔ. Nduji gə́ ndá léréré ləm, gə ubu tə̰ji ləma, gə ubu ləm tɔ ɓa to gə́ nésɔi. Ma̰də ləi ɔr njal askəm kari to ne dené lə mbai ya.

Ejekel 16:49

Aa ooje, kaiya ra Sɔdɔm, ŋgokɔḭ gə́ dené lé ɓa nee: Yeḛ to njeti rəa ləm, yeḛ gə ŋganeeje gə́ dené d’isi dan némajije’g bèdèg ləm, d’isi gə́ majee lal kḛji ta dɔ’g ləm tɔ nɛ deḛ gəd deḛ gə́ d’isi dan nékəmndoo’g gə njé gə́ né lal dee lé el.

Ejekel 27:7

Kubu gə́ d’ṵji gə kúla palégal Gə́ d’ɔs ndaji keneŋ gə́ d’ḭ ne Ejiptə lé ɓa To kubu lel batoje ləi ləm, Gə nétɔji ɓee ləi ləm tɔ. Kubuje gə́ ndaŋg lə dee to bədələ Gə kubu gə́ ndiri ndul piro-piro Gə́ d’ḭ ne dɔgoré-looje gə́ Elisa lé D’o̰ ne dɔ nékodoje ləi tɔ.

Mark 15:17

Deḛ d’ula kubu gə́ boi yul gə́ ndul piro-piro rəa’g ləm, deḛ pḛdé kun gə́ dɔgugu d’ulá dəa’g ləm tɔ.

Mark 15:20

Loo gə́ deḛ d’ula sul dəa’g togə́bè mba̰ ndá deḛ d’ɔr kubu gə́ boi yul gə́ ndul piro-piro lé rəa’g, rəm d’ula darɔ kubu ləa-yeḛ nja rəa’g gogo, ɓa d’ɔd ndɔree d’aw səa gə mba ɗaree ɓəi tɔ.

Lugu 15:13

Ndɔje aḭ bula bəl ndá ŋgon gə́ ndɔḭ lé ḭ kiri néje ləa rigim sa ne rəa aw ne ɓee gə́ əw, aw sané néje ləa kɔ loo-kaiya’g.

Lugu 16:1

Jeju ula njékwakiláje pana: Dəw kára gə́ to bao lé njekaa dɔ néje ləa si gən, nɛ deḛ səg njekaa dɔ néje ləa neelé rəa’g mbata néje lə ɓéeje gə́ yeḛ sané yaa̰ lé.

Lugu 16:18

Nana ɓa gə́ tuba dené ləa gə mba taa dené gə́ raŋg ndá ta mɔdkaiya wa dəa ya. Tɔɓəi nana ɓa gə́ taa dené gə́ ŋgabeeje tubá lé ndá ta mɔdkaiya wa dəa ya tɔ.

Lugu 16:20

Njendoo kára gə́ ria lə Lajarə lé bairaŋ to rəa’g mbərərə to takəi’g lə bao lé.

Loo gə́ killa rea kəm Ja̰’g 17:4

Dené lé ula kubu gə́ ndul piro-piro gə kas njir-njir rəa’g ləm, yeḛ ɗɔi rəa gə larlɔr gə jərje gə́ gad dee to yaa̰ gə mərkwɔjije ləm tɔ. Bai gə́ ra gə larlɔr to jia’g ndá néndɔlje ləm, gə ram néje gə́ naŋg nee gə́ mina̰ jɔmri-jɔmri gə́ wɔji dɔ mɔdkaiya ləa ləm tɔ lé rusu bai lé njḭ-njḭ.

Loo gə́ killa rea kəm Ja̰’g 18:16

ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ d’ula kubu gə́ d’ṵji gə kúla palégal gə kubu gə́ ndul piro-piro gə kubu gə́ kas njir-njir rəa’g ləm, gə́ ɗɔi rəa gə́ larlɔr ləm, gə jərje gə́ gad dee to yaa̰ ləma, gə mərkwɔji ləm tɔ. Mee kàree gə́ kára ba ya nébaoje gə́ tur dɔ loo lé tuji keneŋ pugudu.

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.

Njéga̰g-Rəwtaje 8:26

Kwɔi lə ŋgamaje gə́ ra gə larlɔr gə́ Gedeo̰ dəji lé to asəna gə nékwɔji kwɔi-lə-né rɔ-joo lal né kɔm gwɔbje’d gə́ ndaji naḭ gə́ teḛ sigi ləm, lal mbaiŋgiraje ləm, lal kubuje gə́ kas gəḭ gə́ to kubu kula mbaije gə́ Madian ləma, lal ma̰a kɔm gwɔb jambalje’g bèe ləm tɔ.