Lugu 16:15 - Maktub gə́ To gə Kəmee

¹⁵ Jeju ula dee pana: Seḭ lé seḭ rabje rɔ sí kəm dəwje’g mba kar dee d’oo sí gə́ njémeekarabasurje nɛ Ala gər meḛ sí gao ya. Mbata né gə́ rab rəa kəm dəwje’g raga lé Ala lé oo gə́ ram né ya.

Lugu 16:15 ပူးပေါင်းရင်းမြစ်များ

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

2 Sôrta Gḭka Israɛlje 6:30

maji kari oo ndu dee mee dara’g loo-sii’g ndá ar məəi oso lemsé dɔ dee’g, maji kari ra gə nana kara gə goo néreaje mbata i lé gər meḛ dee kára-kára lai mbata i ya kára ba gə́ njegər meḛ dəwje lai ya,

Pakɔsje 10:3

Njemeeyèr lé ti rəa dɔ mal né gə́ rəa’g, Njekəmkəḭ ila ndɔl dɔ Njesigənea̰’g ləm, Ǝ̰jee bəḭ-bəḭ ləm tɔ.

Pakɔsje 49:13

Nɛ dəw gə́ to njeriɓar lé kuree əw el ləm, Yeḛ to asəna gə da-kulje gə́ goré gwɔs dee bèe ya ləm tɔ.

Pakɔsje 49:18

Mbata ndɔ kwəi ləa lé Yeḛ a kun né kára kara jia’g el ləm, Nébaoje neelé kara D’a kaw ne gée’g nda̰ el ləm tɔ.

Pakɔsje 7:9

Njesigənea̰ gaŋg rəwta lə dəwje. Ǝi Njesigənea̰, maji kari ra rəwta ləm Gə goo meekarabasur ləm ləm, Gə goo gelgodo ləm ləm tɔ.

Gosota-Kəmkàrje 16:5

Nana ɓa gə́ to njebeelé lé Yeḛ to né gə́ mina̰ kəm Njesigənea̰’g, Tɔgərɔ, njea neelé a si lal kar bo̰ nérea ɔs təa’g el.

Gosota-Kəmkàrje 20:6

Dəwje bula d’ila mber néra maji lə dee-deḛ ya, Nɛ dəw gə́ to gə́ ŋgonkoji lé see na̰ ɓa askəm kiŋgá wa.

Gosota-Kəmkàrje 21:2

Rəwje lai gə́ dəw aw keneŋ lé to danasur kəmee-yeḛ’g ya, Nɛ Njesigənea̰ ɓa to gə́ njegər dɔɓəŋgərə dəw lé tɔ.

Jeremi 17:10

Ma Njesigənea̰ m’to njenaa meekuru lə dəw ləm, Gə njenaa takə̰ji gə́ mée’g ləm tɔ Gə mba kuga nana kara Gə goo panjaa ləa ləma, Gə goo kula rəa ləm tɔ.

Malasi 3:15

Ɓasinè lé seḭ ə̰jije meḛ sí’g pajena: Njébeeleje ɓa to gə́ njérɔlelje ya. Tɔgərɔ, njémeeyèrje lé deḛ teḛkɔr tɔ. Tɔgərɔ deḛ d’aḭ mee Ala lal karee gaŋgta dɔ dee’g ya.

Matiyo 23:5

Deḛ ra né gə mba kəm dəwje ba. Yee gə́ bèe ɓa deḛ ndaŋg ji kubuje lə dee d’aree tad bəgə-bəgə ləm, deḛ tɔs kula ta kubuje’g d’aree ŋgal yao-yao ləm tɔ.

Matiyo 6:16

Loo gə́ seḭ ɔgje meḛ sí ɓoo lé ndá arje kəm sí mas mbidi-mbidi dɔ’g to gə́ ka̰ njéhulaije lé bèe el. Deḛ nja d’ula kəm dee na̰’d sir-sir gə mba kar dəwje d’oo dee to gə́ d’ɔg meḛ dee ɓoo. Ma nja m’ula sí woḭ, ɓai née ya d’iŋga kən mba̰.

Matiyo 6:2

Bèe ndá loo gə́ i un né mba kar njéndooje ndá ar ndiil ɓar dɔ’g el mbata njéhulaije ɓa ra togə́bè d’unda ne rɔ dee kəm dəwje kəi-kwa-dɔ-na̰je’g ləm, gə tɔ-rəwje’g ləm tɔ mba kiŋga ne riɓar. Ma nja m’ula sí woḭ, ɓai née ya d’iŋga kən mba̰.

Matiyo 6:5

Loo gə́ seḭ raje tamaji ndá raje to gə́ njéhulaije bèe el. Deḛ nja ndigi kunda rɔ dee kəm dəwje’g kəi-kwa-dɔ-na̰je’g ləm, gə tɔ-rəwje ləm tɔ gə mba kar dee d’oo ne tamaji gə́ deḛ ra lé, ma nja m’ula sí woḭ, ɓai née ya d’iŋga kən mba̰.

Lugu 10:29

Nɛ dəw neelé tel dəji Jeju gə mba kɔr ne rɔkul ta neelé dəa’g pana: See na̰ ɓa gə́ njemarm wa.

Lugu 11:39

Nɛ Mbaidɔmbaije lé ulá pana: Seḭ Parisiḛje lé seḭ togoje gir ŋgo-kai-manje ləm gə gir kaje ləm tɔ ar deeje d’àr raŋg-raŋg, nɛ meḛ sí gə́ kəi lé meeyèr gə kəmkəḭ wa keneŋ gɔgɔgɔ-gɔgɔgɔ.

Lugu 18:11

Parisiḛ lé ḭ aar tar gə ŋgalee dana ɗigi-ɗigi, pata gə mée pana: Oiyo Ala, ma m’rai oiyo mbata ma m’to asəna gə gar dəwje gə́ raŋg el. Deḛje neelé to gə́ njétɔ kó mar deeje ləm, gə njéra né gə́ gə goo rəbee elje ləm, gə njéndal mɔdkaiyaje ləma, əsé m’to asəna gə njétaa lar-gədɓee neelé el ləm tɔ.

Lugu 18:14

Ma m’ula sí təsərə, njetaa lar-gədɓee neelé aw gə́ kəi ləa ndá ta godo dəa’g, nɛ yeḛ gə́ raŋg lé ta nai dəa’g ɓəi. Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa ndá d’a karee unda dəa gə́ tar tɔ.

Lugu 18:21

Dəw neelé tel ilá keneŋ pana: Loo gə́ m’nai basa ɓəi ya, ma m’tɔs kəm goo néje gə́ nee lai m’ra saar ɓasinè.

Lugu 18:9

Yeḛ un gosota pa dɔ njé gə́ na̰je gə́ d’wa rɔ dee gə́ njémeekarabasurje nɛ d’oo mar deeje gə́ dəwje gə́ gə mḭdé ba lé tɔ.

Lugu 20:20

Deḛ d’unda kəm dee goo Jeju’g lér-lér, d’ula dəwje rəa’g gə mba kar dee su kəmee asəna gə njémeekarabasurje bèe, ra ne goso ɓó gə koo ne ta gə́ gəd təa’g mba kubá ne kwá kulá ne ji mbai dɔ njégaŋ-rəwtaje’g ləm, gə njeguburuɓee’g ləm tɔ.

Lugu 20:47

deḛ to gə́ njerum né kəi lə njékəisiŋgaje rum-rum ləm, deḛ ra tamaji lé kur dee əw rab ne rɔ dee kəm dəwje’g ləm tɔ. Deḛje neelé ta gə́ d’a kɔr kila dɔ dee’g lé a kur dɔ ka̰ mar deeje’g sula.

Tagə́maji gə́ Ja̰ ndang 2:25

Yeḛ aw ndòo njekɔrgoota lə dəw kára kara el, mbata yeḛ nja gər né gə́ to meḛ dəwje’g gao.

Tagə́maji gə́ Ja̰ ndang 21:17

Jeju tel dəjee tɔɓəi ɔm’g gɔl munda lé pana: Simo̰, ŋgon Junas, see i ndigim tɔgərɔ ya wa. Piɛrə lé mée ea̰ mbata dəji gə́ Jeju dəjee gɔl munda pana: See yeḛ undá dan kəmee’g wa. Ndá yeḛ tel ndigi təa’g pana: Mbaidɔmbaije, i gər néje lai, i gər gao to gə́ ma m’ndigii ya. Jeju ilá keneŋ pana: Bèe ndá maji kari ul badje ləm am.

Néra Njékaḭkulaje 1:18

(Diŋgam neelé odo lar-kaiya ləa ndogo ne ndɔ ndá yeḛ ɔd oso unda siŋga dunee naŋg təd ar mée inja wuguju ar ŋgan siḭyee ɔm naŋg tɔ.

Néra Njékaḭkulaje 1:24

Tɔɓəi deḛ ra tamaji pana: Mbaidɔmbaije, i gə́ gər meḛ dəwje lai lé maji kari tɔji sí yeḛ gə́ i nja ɔree mbuna dəwje joo’g neelé

Néra Njékaḭkulaje 15:8

Tɔɓəi Ala gə́ njegər meḛ dəwje lé yeḛ nja ɔr ta lə dee maji ar dee ne Ndilmeenda to gə́ ar síjeḛ bèe tɔ.

Njé gə́ Rɔmə 3:20

Mbata godndu lé dəw kára kara a kɔr ne ta dəa’g no̰ Ala’g el, mbata mbɔl dɔ godndu lé ɓa kəm dəwje inja ne dɔ kaiya’g.

Njé gə́ Rɔmə 8:27

Yeḛ gə́ njenaa meekuru lə dəwje lé gər takə̰ji lə Ndil ya mbata yeḛ ra rəwta lə deḛ gə́ to gə kəmee lé gə goo rəw gə́ Ala nja wɔji.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

1 Piɛrə 3:4

nɛ saŋgje né gə́ ka̰ ma̰də gə́ meḛ sí’g gə́ ula rəa meḛ sí’g kəi njuma̰ gə́ wɔji dɔ meenda kɔr jol-jol ləm, gə kaw yururu ləm tɔ yee ɓa gə́ né gə́ gadee dum ndogo no̰ Ala’g ya.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.