Lugu 16:14 - Maktub gə́ To gə Kəmee

¹⁴ Parisiḛje gə́ to njéko̰laolarje d’aar keneŋ d’oo ta ləa lai neelé ndá deḛ kogo ne.

Lugu 16:14 ပူးပေါင်းရင်းမြစ်များ

Pakɔsje 119:51

Njébeeleje lé d’undam gə́ nékunda-kogo lə dee Nɛ ma m’unda rɔm ɓad gə godndui lé el.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Esai 56:11

Deḛ lé to gə́ bisije gə́ mal sɔ né ra dee Nɛ nésɔ as dee el, Deḛ to gə́ njékulbadje gə́ gər né kára el, Deḛ lai njaa goo torndu dee-deḛ’g ya, Ar nana kara ra né gə mba kiŋga ne né Gə́ wɔji dəa-dəa ya goo kára ba kiao.

Jeremi 6:13

Mbata un kudee dɔ dəwje Gə́ gɔ-gɔ’g saar teḛ ne dɔ deḛ gə́ boo-boo’g lé Deḛ lai lé mal kiŋga né Gə́ gə goo rəbee el ra dee ŋgwɔd-ŋgwɔd, Un kudee dɔ njetegginta’g saar teḛ ne dɔ njekinjanéməs’g lé Deḛ lai to njésukəmlooje.

Jeremi 8:10

Gelee gə́ nee ɓa n’a kar denéje lə dee Tel to ne ka̰ njé gə́ raŋg ləm, Loo-ndɔje lə dee n’a kar njé gə́ raŋg Taa gə́ ka̰ dee ləm tɔ. Mbata un kudee dɔ dəwje gə́ gɔ-gɔ’g Saar teḛ ne dɔ njé gə́ boo-boo’g lé Mal kiŋga né gə́ gə goo rəbee el Ra dee ŋgwɔd-ŋgwɔd. Un kudee dɔ njéteggintaje’g Saar teḛ ne dɔ njékinjanéməsje’g lé Deḛ lai to njésukəmlooje.

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Matiyo 9:24

Yeḛ ula dee pana: Ɔdje gə́ gogo, ŋgon gə́ dené neelé wəi el ɓəi nɛ yeḛ toɓi gə́ to ɓa. Deḛ kɔgee.

Lugu 12:15

Tɔɓəi yeḛ tel təa ula dee pana: Undaje rɔ sí ɓad dɔ nékəmkəḭ gə́ rara kara, mbata nékiŋga gə́ dəw sí danee’g bèdèg ɓa gə́ kuma̰ karee si ne gə kəmə lé el.

Lugu 20:47

deḛ to gə́ njerum né kəi lə njékəisiŋgaje rum-rum ləm, deḛ ra tamaji lé kur dee əw rab ne rɔ dee kəm dəwje’g ləm tɔ. Deḛje neelé ta gə́ d’a kɔr kila dɔ dee’g lé a kur dɔ ka̰ mar deeje’g sula.

Lugu 23:35

Koso-dəwje d’aar d’aa loo gə́ keneŋ sɔmɔmo̰. Mbai dɔ njégaŋ-rəwtaje-je d’ula sul dɔ Jeju’g pana: Yeḛ aji njé gə́ raŋg, ɓó lé yeḛ to Kristi gə́ Ala ɔree undá gə kəmee ndá maji karee aji rəa-yeḛ ya tɔ.

Lugu 8:53

Deḛ kogee dɔ ŋgaŋ dee’g ŋgwɔi-ŋgwɔi mbata deḛ gər gao ŋgon lé wəi jib mba̰.

2 Timote 3:2

Mbata dəwje d’a to kəmkəjimje’g ləm, gə ɓərje lə lar ləm, gə njébeeleje ləm, gə njéti rɔ deeje ləma, gə njékilandɔl dɔ loo’gje ləm, gə njékɔs ta lə njékoji deeje rəw ləm, gə njénərnéje ləma, gə njékila ndɔl dɔ néje gə́ to gə kəmee ləm tɔ.

Ǝbrəje 11:36

Njé gə́ raŋg lé deḛ ndaji ndu dee ləm, kunda dee gə ndəi ləma, d’wa dee daŋgai gə kúla lar ləm tɔ.