Lugu 15:22 - Maktub gə́ To gə Kəmee

²² Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ.

Lugu 15:22 ပူးပေါင်းရင်းမြစ်များ

Gḭ-Néje 41:42

Parao̰ ɔr ŋgama ləa gə́ jia’g ula ji Jisəb’g ləm, yeḛ ula kubu gə́ ra gə kúla palégal rəa’g ləma, ila yeŋgəre larlɔr gwɔsee’g ləm tɔ.

Este 3:10

Mbai lé ɔr ŋgama gə́ jia’g ar Aman, ŋgolə Hamedata gə́ to dəw gə́ Agag, yeḛ gə́ to njeba̰ lə Jibje lé.

Este 8:2

Mbai lé ɔr ŋgama ləa gə́ yeḛ taa ji Aman’g ndá ar Mardose tɔ, Este kara unda Mardose gə́ mbai dɔ kəi lə Aman tɔ.

Pakɔsje 132:16

N’a kula kaji rɔ njékinjanéməsje’g ləa asəna gə kubu bèe ləm, Majikojije ləa lé d’a ra né wəl-wəl gə rɔlel ya ləm tɔ.

Pakɔsje 132:9

Maji kar njékinjanéməsje ləi lé Dolè rɔ dee gə meekarabasur ləm, Maji kar majikojije ləi lé Ra né wəl gə rɔlel ya ləm tɔ.

Pakɔsje 18:33

Ala nja ɓa am siŋgam mba ra ne né ləm, Yeḛ ɔr nɔm rəw gə́ danasur’g ləm tɔ.

Pakɔsje 45:13

Yen ɓa njé gə́ Tir gə́ to bao-nékiŋgaje unda mar deeje lé D’a ree ne gə nékarje kari kila ne kəmi toro’g.

Pa gə́ ur dɔ paje 7:1

Tel ree, tel ree Ŋgoma̰də gə́ Sunem, Gə́ tel ree ar sí j’ooje kəmi! See ban ɓa seḭ aaje loo ooje ŋgoma̰də gə́ Sunem To gə́ kudu njéndamje gə́ joo bèe wa.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Lugu 15:21

Ŋgon lé ula bɔbeeje pana: Bɔm, m’ra kaiya, m’ula ne sul dɔ dara’g ləm, gə dɔi-i’g ləm tɔ ɓó m’askəm kari ɓarm ŋgoni gogo el ŋga

Lugu 15:23

Maji kar sí ɔd aw reeje gə ŋgon maŋg gə́ ər ndɔl-ndɔl ree tɔleeje. Ar sí j’usɔje j’alje ne rɔ sí.

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Njé gə́ Rɔmə 8:15

Seḭ taaje ndil ka̰ ɓər gə mba si ne dan ɓəl’g el, nɛ seḭ taaje Ndil gə́ ka̰ ŋgon-ɓaa, yee ɓa jeḛ j’ila ne ndu sí naŋg wəl m’pana: Aba! Bai!

Njé gə́ Galati 3:27

Seḭ lai gə́ deḛ ra sí batɛm d’ɔm sí ne gə Jeju Kristi na̰’d lé Kristi ɓa seḭ uneeje debeeje rɔ sí’g ya.

Njé gə́ Epesə 6:15

Ulaje markob-rɔ gɔl sí’g, yee ɓa gə́ Tagə́maji gə́ seḭ a njaaje ne gə rɔkwɔilɔ lə sí gə mba kɔm ne dəwje na̰’d gə Ala lé.

Tel tura Godndu 33:25

Maji kar pəgərəje lə sí To dee gə́ ra dee gə larndul gə larkas ləm, Maji kar siŋga sí To yaa̰ as gə ndɔ si kəmba lə sí béréré ya ləm tɔ!

Loo gə́ killa rea kəm Ja̰’g 19:8

D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Loo gə́ killa rea kəm Ja̰’g 2:17

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje: Yeḛ gə́ a kun baŋga ndá m’a karee muru gə́ ḭ dara gə́ to loo-kiya’g ɓəi ləm, m’a karee j’ər gə́ nda ləm tɔ. Dɔ jər gə́ nda lé d’a ndaŋg ria gə́ sigi gə́ dəw kára kara gər el lé keneŋ, yeḛ gə́ njekiŋga ri lé ɓa a gər.

Loo gə́ killa rea kəm Ja̰’g 3:18

Ma m’ndəjii mba kari ndogo səm larlɔr gə́ deḛ neán pərə mba kar siḭyee teḛ mée’g mba tel to ne bao ləm, mba kari ndogo səm kubu gə́ nda mba kula rɔi’g kar kudi gə́ to dum lé rɔkulee a godo ləm, mba kari ndogo səm kuma̰ rii ne kəmi ɓó gə oo ne loo ləm tɔ.

Loo gə́ killa rea kəm Ja̰’g 6:11

D’ar dee kubu gə́ nda gə́ ŋgal yududu-yududu kára-kára lai ndá yeḛ ula dee mba kar dee d’isi d’wa rɔ dee waga saar kar dɔkal deeje gə́ nai d’a ree kiŋga dee ɓəi, yee ɓa wɔji dɔ njéboakulaje lə dee ləm, gə ŋgako̰ deeje gə́ d’a kɔs yoo kwəi to gə́ deḛ bèe ləm tɔ.

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.