Lugu 15:2 - Maktub gə́ To gə Kəmee

² Parisiḛje gə njéndaji-maktubje wédé na̰ ta pana: Dəw neelé wa kaiya-dəwje gə́ rəa’g sɔ sə dee né.

Lugu 15:2 ပူးပေါင်းရင်းမြစ်များ

Matiyo 11:19

Ŋgon-dəw lé ree, yeḛ sɔ né ləm, yeḛ aḭ né ləm tɔ ndá deḛ pana: Yeḛ to njembula nésɔ ləm yeḛ to njḛdi mán-nduú ləm tɔ. Yeḛ ɔr kura gə́ njétaa lar-gədɓeeje ləm, kaiya-dəwje kara yeḛ ɔr sə dee kura ləm tɔ. Kəmkàr lé ŋganeeje ɓa tegginee gə́ raga pai-pai.

Matiyo 9:11

Parisiḛje d’oo ndá deḛ dəji njékwakiláje pana: See gə mba ɗi ɓa mbai lə sí lé si gə njétaa lar-gədɓeeje gə kaiya-dəwje lé sɔ sə dee né wa.

Lugu 15:3

Nɛ yeḛ un gosota nee ula dee ne pana:

Lugu 19:7

Loo gə́ koso-dəwje d’oo togə́bè ndá deḛ jém ta gə ŋgan gwɔs dee pana: Yeḛ aw uru kəi lə njekaiya mbidi.

Lugu 5:30

Parisiḛje gə njéndaji-maktubje jém ta gə ŋgan gwɔs dee dəji ne njékwakila Jejuje pana: See ban ɓa seḭ sɔje gə aije né gə njétaa lar-gədɓee gə kaiya-dəwje togə́bè wa.

Lugu 7:34

Ŋgon-dəw lé ree nɛ yeḛ sɔ gə ai to ŋga ndá seḭ pajena: Yeḛ to gə́ dəw nésɔ gə dəw nékai ləm, yeḛ to njekɔrkura gə njétaa lar-gədɓeeje gə kaiya-dəwje ləm tɔ.

Lugu 7:39

Parisiḛ gə́ ɓar Jeju lé loo gə́ yeḛ oo togə́bè yeḛ ə̰ji ta mée’g pana: Ɓó lé dəw neelé to gə́ njetegginta ndá a gər néra dené gə́ njekɔrɔ rəa neelé a gəree gə́ kaiya-dené gao ya.

Néra Njékaḭkulaje 11:3

I andə kəi lə njé gə́ lal kinja tamɔd dee ləm, i sɔ sə dee né ləm tɔ.

Njé gə́ Galati 2:12

Tɔgərɔ ya, loo gə́ dəwje gə́ Jak ula dee lé ree el ɓəi ndá Képas si ta nésɔ’g gə njépole-magəje na̰’d, nɛ loo gə́ deḛ ree mba̰ ndá yeḛ sa rəa rəw mbata yeḛ ɓəl kəm njékḭja tamɔd deeje lé.

1 Timote 1:15

Ta neelé to ta gə́ gəd ya ləm, to ta gə́ kəm kar nana kara taa ɔm mée dɔ’g jəb-jəb ləm tɔ: Jeju Kristi ree naŋg nee mba kaji njékaiyaje, nɛ ma nja m’to gə́ doŋgɔr lə dee.