Lugu 15:18 - Maktub gə́ To gə Kəmee

¹⁸ M’a kuba naŋg kḭ kaw rɔ bɔm’g ndá m’a kulá pana: Bɔm, ma m’ra kaiya m’ula ne sul dɔ dara’g ləm, gə dɔi-i’g ləm tɔ.

Lugu 15:18 ပူးပေါင်းရင်းမြစ်များ

2 Sôrta Gḭka Israɛlje 33:19

Tamaji ra ləa gə tel gə́ Ala tel ilá keneŋ, gə kaiyaje ləa gə kaltaje ləa, gə dɔ looje gə́ ndəw gə́ yeḛ unda dee ar magəje gə néndajije gə́ tɔl dee kédé ɓa yeḛ oso ne kul ɓəi lé ndaŋg taree mee maktub’g lə Hojai.

Pakɔsje 25:11

Ǝi Njesigənea̰, mbɔl dɔ rii lé ɓa I ar məəi ti ne mbidi dɔ néra kori-kori’g ləm, Mbata to né gə́ boo ya.

Gosota-Kəmkàrje 23:13

Ɔg rɔi dɔ kwɔji ŋgon kəmkàr’g el, Lé i undá gə ndəi kara yeḛ a kwəi ne el.

Esai 63:16

Lée togə́bè kara i ɓa to bɔ síje Mbata Abrakam gər sí el ləm, Israɛl kara gər sí el ləm tɔ. I Njesigənea̰ ɓa to bɔ síje Un kudee ləw-ləw ba lé Rii lə njekoga dɔ sí.

Jeremi 3:19

Ma m’dəji rɔm m’pana: M’a ra ba̰ gə mba kɔm sí mbuna ŋganəmje’g Mba kar sí ɓee gə́ majidum Gə́ nédɔji sí gə́ a to néɗɔi-rɔ Le ginkoji dəwje gə raŋg Gə́ ur dɔ loo lé wa. Ndá ma m’ula pana: Seḭ a ɓarmje bɔ síje ləm, Seḭ a kubamje kya̰’mje el ləm tɔ.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Nɔ̰-ndôo gə́ wɔji dɔ Jerusalem 3:29

Maji karee labə ta wuree naŋg, Banelə a kiŋga nékunda-mee-yel dɔ’g ɓəi.

Nɔ̰-ndôo gə́ wɔji dɔ Jerusalem 3:40

Ar sí n’tenje goo rəw-kaw síje lai ləm, Gə n’tən deeje so-so ləm tɔ Ɓa n’telje gə́ rɔ Njesigənea̰’g ɓəi.

Loo gə́ killa rea kəm Daniel’g 4:26

Loo gə́ naḭ dɔg-giree-joo dəs mba̰ ndá yeḛ njaa mee kəi-mbai’g ləa gə́ to Babilɔn,

Junas 2:4

I undam ilam dan ɓul mán baa-boo gə́ uru yaa̰’g, Tur lə mán gə́ tur tuma̰-tuma̰ lé Aḭ dɔm sub ləm, Paŋgəm-manje gə mán bèlmje ləi lai dəs dɔm’g ləm tɔ.

Junas 3:9

See na̰ ɓa gər wa. Banelə Ala a tel gə ndia kar goo takə̰ji ləa yɔr ləm, a kuba oŋg ləa kya̰ lal kar sí n’tujije ne ləm tɔ.

Matiyo 3:6

D’aree ra dee batɛm dan baa gə́ Jurdɛ̰’g.

Matiyo 6:14

Ɓó lé meḛ sí ti mbidi dɔ meekɔsgel’g lə mar síje lé ndá Bɔ síje gə́ si dara lé a kar mée ti mbidi dɔ ka̰ sí-seḭ’g tɔ.

Matiyo 6:9

Seḭje lé maji kar ndukwɔi lə sí ɓa to nee: Bɔ síjeḛ, i gə́ sí rudu dara’g, Maji kar rii to gə kəmee ɓəd ləm,

Matiyo 7:11

Togə́bè seḭ gə́ njémeeyèrje ɓəi gə́ seḭ gərje loo kar ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee né gə́ maji lé ɓəi wa.

Lugu 11:2

Yeḛ tel ula dee pana: Loo gə́ seḭ a gə raje tamaji lé ndá pajena: Bɔ síje, maji kar rii to gə kəmee ɓəd ləm, Maji kar ɓeeko̰ ləi ree taa loo ləm tɔ.

Lugu 15:17

Loo gə́ kəmee inja dɔ rəa’g ndá yeḛ jém ta pana: See njékulaje lə bɔm ka̰da ɓa d’usɔ né d’isi danee’g bèdèg-bèdèg ɓa ma lé m’isi m’wəi yoo-ɓoo bèe wa.

Lugu 15:19

Ma m’askəm kari ɓarm ŋgoni gogo el ŋga, nɛ maji kari ra səm to gə́ i ra gə njékulaje ləi bèe ya ŋga.

Lugu 15:21

Ŋgon lé ula bɔbeeje pana: Bɔm, m’ra kaiya, m’ula ne sul dɔ dara’g ləm, gə dɔi-i’g ləm tɔ ɓó m’askəm kari ɓarm ŋgoni gogo el ŋga

Lugu 18:13

Nɛ njetaa lar-gədɓee lé unda rəa ŋgərəŋ, yeḛ ɓəl koo loo kun kəmee tar gə́ dara nɛ yeḛ unda kaaree gə jia rii pana: Wai Ala, ma gə́ m’to gə́ njekaiya lé ar məəi oso lemsé dɔm’g ya kari.