Lugu 15:17 - Maktub gə́ To gə Kəmee

¹⁷ Loo gə́ kəmee inja dɔ rəa’g ndá yeḛ jém ta pana: See njékulaje lə bɔm ka̰da ɓa d’usɔ né d’isi danee’g bèdèg-bèdèg ɓa ma lé m’isi m’wəi yoo-ɓoo bèe wa.

Lugu 15:17 ပူးပေါင်းရင်းမြစ်များ

Pakɔsje 119:59

Ma lé m’ə̰ji dɔ rəw kabmje’g ndá M’tel m’ɔm ne gɔlm par gə́ dɔ tornduije’g ya.

Pakɔsje 73:20

To asəna gə néni gə́ sané pá Loo gə́ dəw ndel ne dɔ ɓi’g bèe lé Mbaidɔmbaije, loo gə́ i ndel dɔ ɓi’g ləi lé Ndá i a kḛji dee bəḭ-bəḭ koo dee ne gə́ né gə́ əḭ el.

Njekillamber 9:3

Né kára gə́ majel mbuna néje’g lai Gə́ ra dɔ naŋg neelé ɓa nee: Né gə́ kára ba teḛ dɔ dəwje’g lai ya. Gelee gə́ nee ɓa meḛ ŋgan-dəwje lé Meeyèr gə néra mbə ɓa Taa meḛ dee pəl-pəl loo si kəmba’g lə dee Saar d’aw ne ɓee lə njé gə́ d’wəi’g tɔ.

Jeremi 31:19

Loo gə́ j’undaje rɔ sí ɓad rɔi’g ndá Jeḛ n’tel j’waje ndòo rɔ sí ləm, Loo gə́ kəm sí inja dɔ néramajelje’g Le sí ndá jeḛ n’kundaje kaar sí ndai-ndai ləm tɔ, Rɔkul gə kəm sɔḭ wa kəm sí Mbata rɔkul né gə́ jeḛ n’raje Gə́ basa gə́ lə sí lé wa dɔ sí.

Nɔ̰-ndôo gə́ wɔji dɔ Jerusalem 1:7

Loo gə́ njé gə́ Jerusalem D’aw d’ila mbir-mbir ləm, Gə d’isi dan kəmtondoo’g ləm tɔ lé Meḛ dee olé dɔ maji gə́ d’isi danee’g kédé gə́ ləw Ɓa d’oso ji njékula kəm dee ndooje’g ɓəi Ar dəw kára bèe gə́ njela sə dee godo, Njéba̰je lə dee d’oo dee ndá deḛ kogo dee Mbata néurti gə́ teḛ dɔ dee’g lé tɔ.

Ejekel 18:28

Ɓó lé kəmee inja dɔ rəa’g aree uba goo kaltaje ləa lai gə́ yeḛ al lé ya̰ ndá yeḛ a si kəmba ya ɓó a kwəi el.

Ojee 2:7

Ko̰ deeje ra néra kaiya-dené, Yeḛ gə́ əskèm dee lé ula ne sul dɔ rəa’g Mbata yeḛ pana: N’a kaw goo njéto sə neḛje’d Gə́ d’ar neḛ muru gə mán-kai ləm, Gə kubu gə́ bḭ-maji gə kubu gə́ d’ṵji gə kúla palégal ləma, Gə ubu gə́ ka̰ ndèm gə nékai ləm tɔ.

Lugu 15:16

Kandə moŋg gə́ bərje d’usɔ lé yeḛ ndiŋga rəa yaa̰ gə mba kula mée’g mér-mér sə dee tɔ, nɛ dəw un kára kara gə mba karee to̰ mbag el.

Lugu 16:23

Yeḛ si loo-si njé gə́ d’wəi’g ndá dan néurti gə́ rəa lé yeḛ un kəmee gə́ tar aa ne loo oo Abrakam si ŋgərəŋ ndá yeḛ oo Lajarə si mbɔree’g tɔ.

Lugu 8:35

Yen ŋga koso-dəwje teḛ budu-budu d’aw gə mba koo né gə́ teḛ togə́bè lé. Loo gə́ deḛ teḛ rɔ Jeju’g lé ndá d’aa loo d’oo dəw gə́ ndilje gə́ yèr teḛ mée’g lé ula kubu rəa’g si ne gɔl Jeju’g ləm, si maji ar rəa tḭja péd-péd ləm tɔ ndá ɓəl unda dee badə gaŋg dee.

Néra Njékaḭkulaje 12:11

Loo gə́ kəm Piɛrə inja dɔ rəa’g ndá yeḛ pana: Ɓasinè ma m’gər gao, Mbaidɔmbaije ya ula kura ləa gə́ dara aree ɔrm ji Herɔdə’g ləm, gə ji Jibje gə́ d’isi to yoom ləm lé tɔ.

Néra Njékaḭkulaje 2:37

Loo gə́ deḛ d’oo ta neelé ndá ɓəŋgərə dee ti dus ar dee dəji Piɛrə gə njékaḭkulaje gə́ raŋg pana: Ŋgako̰ síjeḛ gə́ dəwje see j’a ra banwa.

Njé gə́ Epesə 5:14

Gelee gə́ nee ɓa, yeḛ pa ne pana: I gə́ toɓi lé teḛ kəmi, Unda loo teḛ dan njé gə́ d’wəi’g Ndá Kristi a ndogó nɔḭ’g.