Lugu 15:13 - Maktub gə́ To gə Kəmee

¹³ Ndɔje aḭ bula bəl ndá ŋgon gə́ ndɔḭ lé ḭ kiri néje ləa rigim sa ne rəa aw ne ɓee gə́ əw, aw sané néje ləa kɔ loo-kaiya’g.

Lugu 15:13 ပူးပေါင်းရင်းမြစ်များ

Pakɔsje 73:27

Mbata aa oo, deḛ lai gə́ d’unda rɔ dee rɔi’g ŋgərəŋ gə́ raŋg lé D’udu guduru ya ləm, Deḛ lai gə́ d’ubai d’ya̰’i lé kara D’udu bo̰ ya ləm tɔ.

Gosota-Kəmkàrje 18:9

Yeḛ gə́ ra kula ləa gə jiŋgaombadə lé Yeḛ to ŋgoko̰ njetuji né.

Gosota-Kəmkàrje 21:17

Yeḛ gə́ unda néje gə́ ar mée lelee dan kəmee’g ndá si dan ndòo’g, Yeḛ gə́ unda mán-nduú gə́ mḭ gə naḭ ubu dan kəmee’g lé a tel to bao el.

Gosota-Kəmkàrje 21:20

Nébaoje gə́ gadee ur kugu ləm gə ubu ləm tɔ lé to mee kəi’g lə njekəmkàr, Nɛ mbə-dəw lé turu dee mée’d gə́ turu.

Gosota-Kəmkàrje 27:8

To gə́ yel ya̰ kəiee ndəm aw əw lé Dəw gə́ ya̰ loo-siée ndəm aw əw kara to togə́bè tɔ.

Gosota-Kəmkàrje 28:7

Yeḛ gə́ aa dɔ godndu kər-kər lé to ŋgon gə́ njegosonégər, Nɛ yeḛ gə́ ɔr kura gə njembula nésɔje lé ila rɔkul dɔ bɔbeeje’g.

Gosota-Kəmkàrje 29:3

Dəw gə́ unda kəmkàr dan kəmee’g lé Rɔ bɔbeeje lelee, Nɛ yeḛ gə́ ŋgəŋ rɔ kaiya-denéje’g lé Sané némajije ləa kad-kad.

Gosota-Kəmkàrje 6:26

Mbata kaiya-dené lé Tuji nékiŋga lə dəw Ar goŋ muru ɓa nai jia’g Nɛ dené gə́ njeŋgao gə́ to njemɔdkaiya lé Iya gum mba tuji ne rɔ dəw gə́ to gə kəmee lé.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 22:13

Nɛ aa ooje, boo-rɔkal gə rɔlel to keneŋ! Deḛ tɔl maŋgje gə badje ləm, Deḛ d’usɔ da gə d’ai mán-nduú ləm tɔ Pa ne pana: Ar sí j’usɔje gə j’aije Mbata bèlè j’a gə kwəije!

Esai 30:11

Maji kar sí ya̰je rəw gə́ danasur ləm, Ubaje kila-rəwje ya̰je ləma, Arje Njerɔkunda lə Israɛlje nai əw sə sí ləm tɔ!

Esai 56:12

Gə́ reeje, m’a kaw saŋg mán-nduú Ndá jeḛ j’a kaije nékai gə́ mḭ! Bèlè kara j’a ra togə́bè ya ɓəi ləm, J’a kaije yaa̰ karee ur dɔ yeḛ gə́ nee ya ɓəi ləm tɔ!

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 2:31

Seḭ ginkoji dəwje, Maji kar sí ooje ta lə Njesigənea̰ gə́ né ya! See ma m’to asəna gə dɔdilaloo mbata lə Israɛlje Esé ma m’to ɓee gə́ loo ndul keneŋ njudu-njudu wa. See gelee ban ɓa dəwje ləm pana: Loo gə́ meḛ sí ndigi ya j’a kaw’g Jeḛ ndigi kaw rɔi’g el lé wa.

Jeremi 2:5

Njesigənea̰ pa togə́bè pana: See néra gə́ kori-kori ɗi ɓa Bɔ síje-je d’oo rɔm’g ɓa D’unda ne rɔ dee ŋgərəŋ rɔm’g D’aw ne goo néje gə́ gə mḭdé ba Gə́ ar dee-deḛ nja kara Tel to né gə́ gə mḭdé ba lé wa.

Misee 6:3

Yeḛ pana: Seḭ koso-dəwje ləm lé, See ɗi ɓa m’ra sə sí wa. See né gə́ m’ar sí daoje ne to ɗi wa. Ilamje keneŋ ɓa!

Lugu 15:12

Yeḛ gə́ ndɔḭ lé ula bɔbeeje pana: Bɔm, unda kəm né gə́ wɔji dɔm gə́ kama lé am. Ndá bɔbeeje lé unda kəmee kai dee ya tɔ.

Lugu 15:14

Loo gə́ yeḛ tuji lar ləa lai ndá ɓoo-boo oso bib mee ɓee’g neelé aree ndòo yaa̰ tɔ.

Lugu 15:30

Nɛ loo gə́ ŋgoni gə́ njetuji néje ləi kɔ dɔ kaiya-denéje’g ree mba̰ ndá i wa ŋgon maŋg gə́ ər ndɔl-ndɔl tɔl aree.

Lugu 16:1

Jeju ula njékwakiláje pana: Dəw kára gə́ to bao lé njekaa dɔ néje ləa si gən, nɛ deḛ səg njekaa dɔ néje ləa neelé rəa’g mbata néje lə ɓéeje gə́ yeḛ sané yaa̰ lé.

Lugu 16:19

Dəw kára gə́ to bao lé ula kubu gə́ ndul piro-piro gə́ bḭ maji rəa’g ləm, si dan maji’g gə dan rɔlel’g gə ndəa-ndəa ləm tɔ.

Njé gə́ Epesə 2:13

Nɛ mbɔl dɔ Jeju Kristi ɓa seḭ gə́ ləw lé seḭ sije ne ŋgərəŋ lé ɓasinè məs Jeju Kristi ɓa rəm sə sí wər gə́ rəa’g.

Njé gə́ Epesə 2:17

Yeḛ ree ila mber ta gə́ wɔji dɔ kɔm na̰’d yəg ar sí-seḭ gə́ sije ŋgərəŋ ləm, gə deḛ gə́ d’isi dəb lé ləm tɔ.

2 Piɛrə 2:13

Mbata bo̰ néra gə́ yèr lə dee a kɔs ta dee’g. Deḛ d’ur dɔ kaiya-dɔ-kudu’g ra dan kàrá kəm dəwje’g lai ndá deḛ d’oo gə́ nérɔlel lə dee ya, deḛ to dəwje gə́ mina̰ gə́ tila ɓal mbuna sí’g loo-nésɔje’g lə sí, deḛ d’ilaria dɔ néra dee gə́ ram’g, ar mal rəa gə́ kédé-kédé ra dee ya.