Lugu 14:32 - Maktub gə́ To gə Kəmee

³² Ɓó lé yeḛ as el ndá loo gə́ mbai maree nai əw ɓəi lé ndá yeḛ a kula njékaḭkulaje rəa’g mba kar dee d’ɔm ta lə dee na̰’d.

Lugu 14:32 ပူးပေါင်းရင်းမြစ်များ

Maktub gə́ wɔji dɔ Jɔb 40:9

See kag-jii ɓar mèr-mèr to gə́ ka̰ Ala wa. Esé see ndui ɓar to gə́ kea̰-yeḛ wa.

Matiyo 5:25

Maji kari ɔs rɔi ɓad mba kaw kar sí-seḭ gə njeta ləi ɔmje na̰’d yəg ɓa nà loo gə́ seḭ səa naije rəbə ɓəi lé banelə yeḛ a koso səi ta njegaŋ-rəwta’g ləm, njegaŋ-rəwta a koso səi ta njekaa dɔ daŋgai’g ləma, d’a kilai daŋgai’g ndəd ləm tɔ.

Matiyo 5:42

Yeḛ gə́ kwɔii né ndá aree ɓó ɔgee el. Yeḛ gə́ ndigi tonai lar əsé ndimai né ləi kara tel giri ila aree el tɔ.

Lugu 12:58

Loo gə́ i aw gə njeba̰ ləi no̰ njeko̰ɓee’g ndá ɔs rɔi ɓad gə mba kar sí-seḭ gə njetar ləi lé ɔmje na̰’d rəbə yəg ɓa nà banelə yeḛ a ndɔri kaw səi no̰ njegaŋ-rəwta’g ləm, kar njegaŋ-rəwta lé taai ulai ji njekaa dɔ daŋgai’g ləma, karee-yeḛ nja ilai daŋgai’g ndəd ya ləm tɔ.

Lugu 14:31

Esé see mbai gə́ ra ɓa ɓó lé yeḛ a gə tuga rɔ gə mba kaw rɔ gə mbai maree ndá see yeḛ a rəm si naŋg gə mba kwa dɔ gɔl rəa koo, see yeḛ a kaskəm kaw gə njérɔje tɔl-dɔg-loo-dɔg ɓa mba rɔ ne gə maree gə́ si ree gə njérɔje gə́ d’as tɔl-dɔg-loo-rɔ-joo lé el wa.

Lugu 14:33

Togə́bè ɓa nana ɓa mbuna sí’g gə́ uba néje ləa lai ya̰ el ndá yeḛ askəm to njekwakilam el tɔ.

Lugu 19:14

Nɛ njéɓeeje ləa d’ə̰jee bəḭ-bəḭ ndá d’ula njékaḭkulaje gée’g mba kar dee pana: Jeḛ ndigi kar dəw neelé o̰ ɓee dɔ sí’g el.

Néra Njékaḭkulaje 12:20

Herɔdə ar mée adee dɔ njé gə́ Tir gə Sido̰’g. Nɛ deḛ lé tɔs dɔ na̰ ndo̰-ndo̰ ree gə mba kiŋgá, d’aw d’iŋga Blastə gə́ to njeŋgəm kəi-to ləa lé dəjee gə mba karee ra rəw kɔm na̰’d lə dee mbata ɓee lə mbai Herɔdə lé to ɓee kuba maji lə dee.