Lugu 14:3 - Maktub gə́ To gə Kəmee

³ Jeju un ta dəji njéteggin godnduje gə Parisiḛje pana: See kɔr rɔko̰ rɔ dəwje’g gə ndɔ-kwa-rɔ lé see to né gə́ kəm ra əsé to né gə́ kəm ra el wa.

Lugu 14:3 ပူးပေါင်းရင်းမြစ်များ

Matiyo 12:10

Aa oo, diŋgam kára gə́ jia wəi wɔ lé si keneŋ. Deḛ dəji Jeju pana: See godndu lə sí wɔji mba kar njerɔko̰ aji kəbərə ndɔ-kwa-rɔ’g lé wa. Yee ɓa, deḛ ndo̰ ne təa togə́bè gə mba kiŋga ne ta gə́ təa’g ɓó gə səgee ne.

Matiyo 12:2

Parisiḛje d’oo ndá d’ula pana: Aa oo, néra njékwakilaije lé to né gə́ kəm ra ndɔ-kwa-rɔ’g el.

Matiyo 22:35

Dəw kára mbuna dee’g to gə́ njeteggin godndu. Yeḛ ree pər gə́ rɔ Jeju’g un ta dəjee gə mba kaḭ ne mée pana:

Mark 3:4

Tɔɓəi yeḛ dəji dee pana: Ndɔ-kwa-rɔ lé see godndu lə sí wɔji mba ra né gə́ maji əsé mba ra né gə́ majel wa. Esé gə mba kaji ne rɔ dəw əsé gə mba kya̰ ne karee udu gə́ kudu wa. Deḛ d’isi dɔ na̰’d jim-jim.

Lugu 14:2

Aa oo, dəw kára gə́ rɔko̰ mee-ti rəa lé si naŋg nea̰’g.

Lugu 14:4

Deḛ d’aar dɔ na̰’d gə ta dee mudu. Yen ŋga Jeju ula jia ɔrɔ ne rɔ njerɔko̰ ar rəa to kari ɓa ulá aree ɔd aw ɓəi.

Lugu 6:9

Jeju ula dee pana: M’a dəji sí koo, see ndɔ-kwa-rɔ lé see to ndɔ gə mba ra né gə́ maji əsé to ndɔ gə mba ra né gə́ majel ɓa keneŋ wa. See to ndɔ gə mba kaji dəw əsé to ndɔ gə mba tɔl dəw ɓa keneŋ wa.

Tagə́maji gə́ Ja̰ ndang 7:23

Ɓó lé dəw ar dee d’inja tamɔdee gə ndɔ-kwa-rɔ gə mba kal ne dɔ godndu Moyis lé el ndá ŋga see ban ɓəi ɓa seḭ arje meḛ sí ḭ pu dɔm’g gə mba dəw gə́ m’aree aji kəbərə ar darəa to kari péd-péd gə ndɔ-kwa-rɔ lé ɓəi wa.