Lugu 14:23 - Maktub gə́ To gə Kəmee

²³ Yen ŋga mbai lé ula kura ləa lé pana: Aw gə rəw gə́ mee kag’dje ləm, gə kila-rəwje gə́ teḛ mee ndɔje’g lé ləm tɔ ndá deḛ lai gə́ i a kiŋga dee keneŋ lé ɔs dee ree sə dee gə mba kar dee rusu mee kəi ləm njḭ-njḭ ɓa.

Lugu 14:23 ပူးပေါင်းရင်းမြစ်များ

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Matiyo 21:43

Gelee gə́ nee ɓa ma m’ula sí ne m’pana: Ɓeeko̰ lə Ala lé d’a taa ji sí’g kula ji ginkoji dəwje gə́ kudu kára gə́ néra dee wa bua ɓeeko̰ lé.

Matiyo 5:41

Ɓó lé dəw buguri gə mba kari aw səa kuruloo kára ndá i a kaw səa kuruloo joo.

Lugu 14:22

Kura lé ula ɓéeje pana: Mbai, né gə́ i un ne ndui am lé m’ra mba̰, nɛ ges loo nai bura ɓəi.

Lugu 14:24

Mbata ma m’ula sí təsərə, deḛ gə́ m’ɓar dee ɓar nésɔ kédé gə́ mbad lé dəw kára kara mbuna dee’g a naa nésɔ neelé təa’g njagm el nja saar.

Lugu 24:29

Nɛ deḛ to təa’g pəgə-pəgə d’ɔgee naŋg pana: Maji kari sí sə sí mbata kàr a gə godo ɓasinè gə mba kar loondul ŋga. Yeḛ andə aw sə dee kəi gə mba si sə dee ya tɔ.

Néra Njékaḭkulaje 16:15

Loo gə́ yeḛ gə njénojije ləa ra batɛm mba̰ ndá yeḛ un ta nee dəji sí pana: Ɓó lé seḭ oomje gə́ dəw gə́ ila koji dɔ Mbaidɔmbaije’g lé ndá maji kar sí reeje kəi ləm gə mba sí keneŋ. Yeḛ oma̰ sə sí gə no̰, ar sí j’aw səa.

Néra Njékaḭkulaje 18:6

Nɛ Jibje d’ɔsee ŋgərəŋ tajee tila yoo dəa’g. Yen ŋga Pool sugu kubu ləa bugu-bugu ula dee pana: Maji kar məs sí ɔm dɔ sí-seḭ’g ya. Ma ɓa yḛ̀ ta ləm godo ya ŋga. Un kudee ɓasinè lé m’a kḭ kaw gə́ rɔ njépole-magəje’g ŋga.

Néra Njékaḭkulaje 28:28

Bèe ndá maji kar sí ooje to gə́ ta kaji lə Ala lé d’ula njétareeje ndá deḛ d’a taa ya.

Néra Njékaḭkulaje 9:15

Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Njé gə́ Rɔmə 10:18

Nɛ ma m’pana: See Israɛlje d’oo ta neelé el wa. Deḛ d’oo ya. Ndu dee ɓar ɔr rudu naŋg nee rɔd ya ləm, Ta lə dee ɔr gwɔi naŋg nee njal ləm tɔ.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.

2 Njé gə́ Kɔrḭtə 5:20

Bèe ndá jeḛ lé n’to njenai gə dəwje mba Kristi, jeḛ n’taa ndu Ala m’pa ne ta j’ar dee pana: Jeḛ n’ra ndòo rɔ sí’g gə ri Kristi, maji kar sí ɔmje na̰’d yəg gə Ala ya.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

Njé gə́ Kolosə 1:28

Yeḛ nja ɓa j’ula sí ta ləa ləm, jeḛ n’tɔg ne dəwje lai ləma, jeḛ ndoo ne dəwje lai gə kəmkàree ləm tɔ gə mba kar deḛ lai tel ne maji d’ɔr njoroŋ gin Kristi’g ɓa j’aw ne sə dee no̰ Ala’g ɓəi.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.