Lugu 14:12 - Maktub gə́ To gə Kəmee

¹² Tɔɓəi Jeju ula yeḛ gə́ njeɓaree ɓar nésɔ lé pana: Loo gə́ i ɓar-ɓar nésɔ dan kàrá əsé gə loondul’g lé ndá maji kari ɓar baokuraje ləi el ləm, əsé ŋgakɔḭje el ləm, əsé njénojije ləi el ləma, əsé njé gə́ to bao marije el ləm tɔ, nà banelə d’a tel ɓari ɓar nésɔ godə maree’g ləi ya ɓəi tɔ.

Lugu 14:12 ပူးပေါင်းရင်းမြစ်များ

Gosota-Kəmkàrje 14:20

Njendoo lé baokuraje ləa ya kara d’ə̰jee bəḭ-bəḭ, Nɛ bao lé baokuraje ləa bula digi-digi,

Gosota-Kəmkàrje 22:16

Yeḛ gə́ buguru njendoo gə mba kar nékiŋgaje ləa-yeḛ nja ḭ ne dɔ maree’d gə́ kédé-kédé ləm, Gə yeḛ gə́ ar bao né ləm tɔ lé deḛ joo bɔr d’a tel si dan ndòo’g.

Matiyo 5:46

Ɓó lé deḛ gə́ d’unda sí dan kəm dee’g ɓa seḭ unda deeje dan kəm sí’g ndá seḭ undaje rɔ sí keneŋ gə́ kunda ɓó to néra gə́ gəd el. See njétaa négədɓeje lé d’unda dəwje dan kəm dee’g togə́bè el wa.

Lugu 1:53

Yeḛ ar njéɓooje kila kɔd-kɔd loo ɓoo’g lə dee. Nɛ yeḛ un baoje tuba dee ji dee kari kari-kari.

Lugu 1:58

Njéboatakəije ləa ləm, gə njénojije ləa ləm tɔ lé d’oo to gə́ Mbaidɔmbaije ra səa boo-meemaji ndá deḛ ra rɔlel səa na̰’d tɔ.

Lugu 14:11

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

Lugu 14:13

Nɛ loo gə́ i ra naḭ lé ndá maji kari ɓar njéndooje ləm, gə njé gə́ dəb rɔ dee wəi wɔ-wɔ ləm, gə njémədje ləma, gə njékəmtɔje ləm tɔ.

2 Njé gə́ Kɔrḭtə 6:13

Ma m’ula sí ta asəna gə ŋganəmje bèe. Maji kar sí raje sə sí né godə maree’g arje meḛ sí to ne tag gə mba síjeḛ gə́ rɔ sí’g ya.