Lugu 13:33 - Maktub gə́ To gə Kəmee

³³ Nɛ lé riri kara m’a njaa kəm gə́ kédé-kédé ɓogənè ləm, gə bèlè ləma, gə nona ləm tɔ, mbata kar njetegginta udu raga gir ɓee gə́ Jerusalem ɓa to né gə́ lée’g el.

Lugu 13:33 ပူးပေါင်းရင်းမြစ်များ

Matiyo 20:18

Aa ooje, kaw sí gə́ j’isi j’aw gə́ Jerusalem neelé d’a kwa Ŋgon-dəw kulá ji mbai dɔ njékinjanéməsje-je gə njéndaji-maktubje’g. D’a kɔm ta yoo dəa’g

Matiyo 21:11

Boo-dəwje tel d’ila dee keneŋ pana: To Jeju, njetegginta gə́ Najaret mee ɓeeko̰ gə́ Galile.

Lugu 9:53

Nɛ deḛ lé d’wá gə́ rɔ dee’g el mbata dəa to tar wɔji dɔ Jerusalem ɓa.

Tagə́maji gə́ Ja̰ ndang 11:54

Gelee gə́ nee ɓa Jeju ndèm ne rəa mbad kaw ne mbuna Jibje’g. Nɛ yeḛ sa rəa aw dəb loo gə́ kára bèe gə́ to mbɔr dɔdilaloo’g aw mee ɓee-boo gə́ kára ria lə Eprayim. Ndá yeḛ aw si gə njékwakiláje keneŋ.

Tagə́maji gə́ Ja̰ ndang 11:9

Jeju tel ila dee keneŋ pana: See mee ndɔ gə́ kára lé a kaḭ ŋgan kàr dɔg-giree-joo el wa. Dəw gə́ rara ɓa lé njaa dan kàr-boo’g ndá né a kun gɔlee karee lam rəa el mbata yeḛ oo lookàr lə naŋg nee njai-njai ya.

Tagə́maji gə́ Ja̰ ndang 12:35

Jeju ila dee keneŋ pana: Lookàr lé nai sə sí waga bəl ɓəi. Njaaje awje gə goo kàr gə mba kar loondul dəb dɔ sí’g gə rəw el. Dəw gə́ njaa dan loondul gə́ ndul njudu-njudu’g lé yeḛ gər loo gə́ yeḛ si aw gə́ keneŋ el.

Tagə́maji gə́ Ja̰ ndang 4:34

Jeju ula dee pana: Ra torndu yeḛ gə́ njekulam gə kɔr suna kula lé yee ɓa gə́ nésɔm ya.

Tagə́maji gə́ Ja̰ ndang 9:4

Lé riri kara maji karm m’ra néje lə yeḛ gə́ njekulam lé gə goo kàr, mbata loo a gə ndul ndá dəw kára kara a koo loo ra kula el ŋga.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 13:27

Mbata njéɓeeje gə́ Jerusalem gə mbaije lə dee-deḛ lé gər Jeju sur el ndá d’ila ne ta dəa’g d’ar ta gə́ njéteggintaje tura kəm sí’g gə ndɔ-kwa-rɔ kwa-rɔ lé aw ne lée’g béréré.