Lugu 13:27 - Maktub gə́ To gə Kəmee

²⁷ Yeḛ a kila sí keneŋ pana, ma m’ula sí təsərə, ma m’gər loo gə́ ḭje keneŋ el. Seḭ njéra némajelje lai lé ɔdje ne tam’g gə́ gogo.

Lugu 13:27 ပူးပေါင်းရင်းမြစ်များ

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 101:8

Teḛ gə ndɔ rad gə ndɔje kára-kára lai lé M’a kar njémeeyèrje lai gə́ mee ɓee’g neelé D’udu guduru ya Ɓó gə mba tuji ne deḛ lai gə́ to njéra né kori-korije Mee ɓee-boo’g lə Njesigənea̰ lé pugudu-pugudu ya.

Pakɔsje 119:115

Seḭ njémeeyèrje lé ɔdje tam’d gə́ raŋg, Gə mba kam m’aa ne dɔ godnduje lə Ala ləm kər-kər.

Pakɔsje 125:5

Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.

Pakɔsje 28:3

Maji kari orəm na̰’d gə njémeeyèrje gə njéra né kori-korije el, Deḛ lé pata meelɔm gə mar deeje Nɛ gosɔyèr ɓa to meḛ dee’g.

Pakɔsje 5:6

Mbə-dəwje d’askəm kaar tar kəmi’g el. Deḛ lai gə́ néra dee to kori-kori lé kara I ə̰ji dee bəḭ-bəḭ ya.

Pakɔsje 6:8

Kəm wa kor kor-kor Mbata nékəmndoo gə́ ram lé, Deḛ lai gə́ d’ula kəm ndòo lé D’ar kəm ɔm ne kúla mbao-mbao ya.

Ojee 9:12

Ɓó lé d’odo ŋgan deeje kara M’a taa dee ji dee’g kédé ɓó d’a tɔg el, Meeko̰ a koso dɔ dee’g loo gə́ m’a kuba dee kya̰ dee lé.

Matiyo 25:12

Yeḛ tel ila dee keneŋ pana: Ma m’ula sí təsərə, ma m’gər sí el.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Lugu 13:25

Loo gə́ njekəi lé a kuba naŋg kḭ tar gə mba kudu takəi ɓa seḭ a naije raga ndá a kunje kudu kundaje tabidi rəw-kəi, a pajena: Mbai, mbai, ɔr rəw ar sí. Nɛ yeḛ a kila sí keneŋ pana: Ma m’gər loo gə́ seḭ ḭje keneŋ el.

1 Njé gə́ Kɔrḭtə 8:3

Nɛ ɓó lé dəw kára unda Ala dan kəmee’g ndá Ala gər ndiaa tɔ.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.