Lugu 13:17 - Maktub gə́ To gə Kəmee

¹⁷ Loo gə́ yeḛ pa togə́bè ndá njéba̰je ləa lai rɔkul ra dee, nɛ boo-dəwje lai lé d’al rɔ dee wɔji dɔ néje lai gə́ maji dum gə́ yeḛ ra lé tɔ.

Lugu 13:17 ပူးပေါင်းရင်းမြစ်များ

Pakɔsje 109:29

Maji kar kəm sɔḭ wa kəm njékoma̰ səmje Asəna gə kubu bèe ləm, Maji kar dee dolè rɔ dee gə rɔkul Asəna gə kubu gə́ ŋgal yududu bèe ləm tɔ!

Pakɔsje 111:3

Kula reaje maji péd-péd ləm, to néro̰dubaje ləma, Meekarabasur ləa kara to saar-saar gə no̰ ləm tɔ.

Pakɔsje 132:18

N’a kar rɔkul dəb dɔ njéba̰je’g ləa rigim ləm tɔ, Nɛ dəa-yeḛ lé dɔgugu ləa a ndogó keneŋ kɔr jol-jol.

Pakɔsje 40:14

Ǝi Njesigənea̰, maji kari ɔrm danee’g ya! Njesigənea̰, maji kari ɔs rɔi ɓad ree la səm ya.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Esai 4:2

Mee ndəa gən lé barkəm Njesigənea̰ a tel kidi Gə rɔndɔḭ ləm, gə rɔnduba ləm tɔ, Ndá kandə né gə́ mee ɓee’g lé A tel bə̰dərə bə̰ ləm, A tel maji péd-péd ləm tɔ, Mbata lə Israɛlje gə́ teḛ ta yoo’g lé.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Esai 66:5

Ooje ta lə Njesigənea̰ Seḭ gə́ ɓəlje ta ləa lé Aa ooje, ta gə́ ŋgako̰ síje gə́ d’ə̰ji sí bəḭ-bəḭ gə d’ɔs sí rəw lé pa Gə mbata lə rim lé ɓa nee: Maji kar Njesigənea̰ tɔji neḛje rɔnduba ləa Kar neḛ n’ooje ne rɔlel lə sí! Nɛ dee nja d’a nai gə rɔkul.

Lugu 14:6

Deḛ d’oo loo teḛ ta dee kila keneŋ el nja saar.

Lugu 18:43

Léegəneeya yeḛ oo loo ndá yeḛ un rəw si njaa goo Jeju’g ləm, yeḛ pidi Ala ləm tɔ. Koso-dəwje lai neelé loo gə́ deḛ d’oo ndá deḛ pidi ne Ala tɔ.

Lugu 19:48

Nɛ deḛ d’oo loo gə mba kwá el mbata ta gə́ yeḛ ndoo dee lé ar kaar boo-dəwje lai wa dee paḭ.

Lugu 20:40

Ndá dəw kára kara oo loo gə mba kila ɗigi kaaree’g dəjee ne ta gogo el ŋga.

Néra Njékaḭkulaje 4:21

Deḛ d’ḭ d’ɔg dee rədədə dɔ’g gɔl kára ɓəi ɓa tel d’ɔm dee tar, deḛ d’oo loo ra sə dee né el mbata koso-dəwje lai d’ula rɔnduba dɔ Ala’g wɔji dɔ né gə́ teḛ togə́bè’g lé.

2 Timote 3:9

Nɛ né gə́ deḛ d’isi ra lé a teḛkɔr el, mbata mbə lə dee a kinja kəm dəwje’g bərəŋ to gə́ ka̰ dəwje gə́ joo neelé bèe.

Titə 2:8

to kankəmta gə́ loo-maḭyee godo ləm tɔ. Bèe ɓa njeba̰ lə sí a si ne gu mbata yeḛ a koo loo mba kila ta né gə́ yèr kára kara dɔ sí’g el.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.