Lugu 13:11 - Maktub gə́ To gə Kəmee

¹¹ Aa ooje, dené kára bèe gə́ ndil gə́ yèr to mée’g aree to gə́ yɔ-dəw as ləbee dɔg-giree-jinaijoo ləm, wá rugee koŋgoŋ aree oo loo kɔr rəa gə́ tar el ləm tɔ lé si keneŋ.

Lugu 13:11 ပူးပေါင်းရင်းမြစ်များ

Maktub gə́ wɔji dɔ Jɔb 2:7

Yen ŋga Njekurai ɔd no̰ Njesigənea̰’g aw. Tɔɓəi yeḛ ar rɔ Jɔb pélé ḭ gɔlee’g naŋg saar teḛ dəa’g tar.

Pakɔsje 145:14

Njesigənea̰ lé gəd deḛ lai gə́ toso lé ləm, Deḛ gə́ d’wa koŋgoŋ-koŋgoŋ lé Yeḛ nja ndɔji dee ila dee dana ləm tɔ.

Pakɔsje 146:8

Njesigənea̰ lé ar kəm njékəmtɔje teḛ ləm, Deḛ gə́ d’wa koŋgoŋ lé Njesigənea̰ nja ndɔji dee Ar dee d’aar dana njoroŋ ləma, Njéra né gə́ gə dɔ najee-je lé kara Njesigənea̰ lé unda dee dan kəmee’g ya ləm tɔ.

Pakɔsje 38:6

Néra mbə ləm lé Ar ta dooje ləm ndum oso yii ə̰də mbo̰.

Pakɔsje 42:5

Meem olé dɔ loo gə́ m’njaa dan koso-dəwje gə́ gugu dɔm sub lé Am m’njaa ne no̰ dee’g par gə́ kəi’g lə Ala, M’njaa ne dan ndu pa rɔlel’g gə ndu pa ra oiyo’g Gə́ koso-dəwje pa loo ra boo-naḭje’g. Loo gə́ m’la̰ji toree məəm’g ndá Ma m’ndá ne məəm kaḭ.

Pakɔsje 6:2

Njesigənea̰, maji kari ar bo̰ néram ɔs tam’g Loo gə́ oŋg ḭ səi el lé ləm! Tɔjim kəmkàr lal kar məəi ḭ səi jugugu ləm tɔ.

Matiyo 4:23

Jeju gugu mee ɓeeko̰ gə́ Galile ndá yeḛ ɔr goo tagə́maji gə́ wɔji ne dɔ ɓeeko̰ lé ndoo dee ne mee kəi-kwa-dɔ-na̰je’g lə dee ləm, rɔko̰ gə́ rara gə néyooje gə́ rara gə́ ra dəwje lé kara yeḛ ɔr rɔ dee’g ləm tɔ.

Mark 9:21

Jeju dəji bɔ ŋgonje lé pana: See né gə́ rəa neelé see rəa as ndɔ ka̰da ɓasinè wa. Bɔ ŋgonje lé tel ilá keneŋ pana: Un kudee loo gə́ yeḛ nai ne ŋgon ya ɓəi rəa saar teḛ ɓasinè.

Lugu 13:12

Loo gə́ Jeju aa loo ée ndá yeḛ ɓaree ulá pana: Dené, ji rəm ləi ɔr rɔi’g mba̰.

Lugu 13:16

Nɛ dené nee gə́ to gə́ ŋgon Abrakam gə́ Njekurai teá naŋg jo̰dɔrɔ as ləbee dɔg-giree-jinaijoo lé see tudu kúla lar rəa’g gə ndɔ-kwa-rɔ lé see to né gə́ kəm ra el wa.

Lugu 21:28

Loo gə́ néje neelé d’a gə kun kudu teḛ ndá ndɔjije rɔ sí ɔrje dɔ sí gə́ tar mbata ndɔ kar sí a gə kɔrje dɔ sí kúla lé sí ree dəb ŋga.

Lugu 8:2

Njékwakiláje gə́ dɔg-gir-dee-joo lé d’aw səa ləm, denéje gə́ na̰je gə́ Jeju tuba ndilje gə́ yèr meḛ dee’g ləm, gə ɔr rɔko̰je gə́ ɓəd-ɓəd rɔ dee’g tɔ lé deḛ nja kara d’aw sə dee na̰’d ya tɔ. Deḛje lé nja ɓa ri dee to nee: Mari gə́ ḭ Magdala gə́ ndilje gə́ yèr siri teḛ mée’g lé ləm,

Lugu 8:27

Loo gə́ Jeju unda loo mee to’g teḛ raga ndá dəw kára gə́ mee ɓee’g neelé gə́ ndilje gə́ yèr to mée’g lé teḛ tila kəmee. Dəw neelé ləw-ləw ba saar lé yeḛ ula kubu rəa’g ndɔ kára el ləm, yeḛ oso mee kəi’g mbɔg kara to keneŋ ndɔ kára el ləm tɔ, nɛ dɔɓar ɓa to gə́ loo gə́ yeḛ ra ɓee keneŋ ya.

Lugu 8:43

Dené kára bèe aw sə dee na̰’d, to dené gə́ məs tal rəa’g saar-saar as ləbee dɔg-giree-joo ŋga. Yeḛ jɔg rəa rɔ njékuma̰je’g loo bula, sané némajije ləa kɔ lai, nɛ njekuma̰ gə́ kára kara askəm kajee el.

Néra Njékaḭkulaje 3:2

Deḛ d’iŋga diŋgam kára gə́ d’ojee gə́ gudugur. Gə ndɔje kára-kára lai lé d’unee d’undá ta kəi-Ala’g, to takəi gə́ d’unda ria lə Kura Yaa̰ gə mba karee kwɔi né deḛ gə́ d’isi d’andə kəi-Ala’g gə kəmndoo.

Néra Njékaḭkulaje 4:22

Mbata dəw gə́ d’ɔr rɔko̰ rəa’g gə mɔri neelé ləb kojee dum rɔ-sɔ ya.