Lugu 12:7 - Maktub gə́ To gə Kəmee

⁷ Seḭje lé yiŋga dɔ sí ya kara yeḛ tura dee dém-dém tɔ. Bèe ndá ɓəlje pai godo, mbata gad sí-seḭ lé to ɓai-ɓai unda ka̰ tḭtḭje gə́ bula lé.

Lugu 12:7 ပူးပေါင်းရင်းမြစ်များ

2 Samel 14:11

Yeḛ pana: Maji kar mbai ar mée olé dɔ Njesigənea̰, Ala’g lé ləa gə mba kar njedalba̰ məs ila tuji dɔ maree’g gə mba tuji ne ŋgonəm el! Ndá yeḛ ilá’g pana: Njesigənea̰ si kəmba ya! Yiŋga dɔ ŋgoni kára kara a koso naŋg el.

Maktub gə́ wɔji dɔ Jɔb 35:11

See yeḛ gə́ ndoo neḛje né unda daje gə́ dɔ naŋg nee ləm, Gə́ ar neḛje gosonégər gə́ ur dɔ ka̰ yelje gə́ d’aw pə̰ dara’g ləm tɔ lé si ra ɓəi wa.

Pakɔsje 8:6

I undá aree nai lam bèe ndá a kas səi-i Ala ləm, I ula dɔgugu rɔnduba gə riɓar dəa’g ləm tɔ.

Matiyo 12:12

Dəw lé see gad laree ur dɔ lar badje’g el wa. Bèe ndá godndu wɔji mba ra maji ndɔ-kwa-rɔ’g lé ya.

Matiyo 6:26

Oreeje kəm sí dɔ yelje gə́ d’aw tar oo deeje. Deḛ lé dubu né el ləm, d’inja kó d’ɔm dàmá lə dee el ləm tɔ nɛ Bɔ síje gə́ njesi dara ɓa ul dee lé. See oo sí gə́ nékundaje ləa gə́ majije unda deeje el wa.

Lugu 21:18

Nɛ yiŋga dɔ sí kára kara a ti kigi el.

Néra Njékaḭkulaje 27:34

M’tɔg sí kar sí sɔje né, mbata yee ɓa gə́ kuma̰ kar sí ajije ne ləm, yiŋga dɔ dəw ya kára kara mbuna sí’g a kigi gə mḭdé el ləm tɔ.

1 Samel 14:45

Njérɔje d’ula Sawul pana: Ta ɗi bèe wa! Jonatan gə́ taa Israɛlje ɔm dee tar nee ya a kwəi bèe wa! Bèe el! Njesigənea̰ si kəmba ya! Yiŋga dəa kára kara a kɔr koso naŋg el mbata mee ndəa’g neelé Ala ɓa la səa aree ra né neelé ya. Togə́bè ɓa njérɔje d’aji ne Jonatan d’aree wəi ne el.