Lugu 12:57 - Maktub gə́ To gə Kəmee

⁵⁷ See gelee ban ɓa seḭ go̰je loo ooje ne né gə́ to gə goo rəbee lé el wa.

Lugu 12:57 ပူးပေါင်းရင်းမြစ်များ

Matiyo 21:21

Jeju ila dee keneŋ pana: Ma m’ula sí təsərə, ɓó lé seḭ awje gə meekun gə́ seḭ maḭje gə rɔ sí dɔ’g el ndá né gə́ ra gə kodé neelé gə karee ba ɓa seḭ a raje el, nɛ ɓó lé mbal gə́ boo nee nja ɓa a kulaje pajena: Ɔr rɔi gə ŋgirai oso dan baa-boo’g nee kara né neelé a to togə́bè ya.

Matiyo 21:32

Mbata Ja̰ lé ree rɔ sí’g gə rəw gə́ meekarabasur nɛ seḭ ɔmje meḛ sí dəa’g el. Nɛ njétaa lar-gədɓeeje ləm, gə kaiya-denéje ləm tɔ ɓa d’ɔm meḛ dee dəa’g ya. Loo gə́ seḭ ooje bèe ndá seḭ waje ndòo rɔ sí dɔ kaiya’g lə sí mba kɔmje ne meḛ sí dəa’g el.

Lugu 21:30

Loo gə́ d’idi mba̰ ɓa seḭ ooje ndá seḭ nja gə dɔrɔ sí seḭ gərje gao pajena: Naḭ ɓar to dəb ŋga.

Tagə́maji gə́ Ja̰ ndang 7:24

Né gə́ ooje puduru ba lé maji kar sí gaŋgje rəwta dɔ’g el nɛ gaŋgje rəwta gə dɔ najee ɓa.

Néra Njékaḭkulaje 2:40

Piɛrə pa taje gə́ raŋg bula ɔm dɔ’g ɓəi ndəji dee ne ləm, man dee ne ləm tɔ pana: Saaje rɔ sí rɔ ginkoji dəwje gə́ dɔ naŋg nee gə́ njéra néje gə́ yèr neelé ɓó gə ajije ne ya.

1 Njé gə́ Kɔrḭtə 11:13

Maji kar sí ə̰jije meḛ sí’g ooje ɓa, see dené gə́ aar ra tamaji no̰ Ala’g lal kon dəa gə né lé see to né gə́ kəm ra wa.

1 Njé gə́ Kɔrḭtə 11:14

See néje gə́ naŋg nee tɔji sí rəbee el wa. Diŋgam gə́ ul yiŋga dəa aree ŋgal pɔ-pɔ ndá see to rɔkul el wa.

Tel tura Godndu 32:29

Ɓó lé deḛ to njékəmkàrje ndá Aa oo, né gə́ d’a gər ɓa nee: D’a kḛji dɔ né gə́ a gə teḛ dɔ dee’g ya.