Lugu 12:35 - Maktub gə́ To gə Kəmee

³⁵ Maji kar sí waje ɓər sí gə ndar njim-njim, arje néndogoje lə sí ndogó wər-wər tɔ.

Lugu 12:35 ပူးပေါင်းရင်းမြစ်များ

1 Mbaije 18:46

Bèe ɓa, ji Njesigənea̰ to ne dɔ Eli’g, aree wa kubu ləa gə́ tɔ ne rḛgee aḭ ne no̰ Akab’g saar teḛ ne tarəwkɔg gə́ Jisreel lé tɔ.

Gosota-Kəmkàrje 31:17

Siŋgamoŋ ɓa yeḛ tɔ ne rḛgee ləm, Yeḛ ar kag jia ɓar mèr-mèr ləm tɔ.

Esai 11:5

Néra gə́ gə dɔ najee gə ŋgonkoji lé A to gə́ ndar gə́ yeḛ wa ne ɓəree.

Esai 5:27

Dəw kára kara mbuna dee’g dao el ləm, Dəw kára kara ndɔr gɔlee el ləma, Ɓi wa kəm dəw kára kara el Ar dəw kara toɓi el ləm tɔ. Dəw kára kara tudu ta ndar ləa el ləm, Kula ta markob ləa gaŋg el ləm tɔ.

Matiyo 25:1

Ɓeeko̰ gə́ dara lé to asəna kára ba gə ŋgama̰dje gə́ dɔg gə́ d’odo néndogóje lə dee teḛ d’aw gə mba tila kəm njedené-sigi.

Matiyo 5:16

Maji kar néndogó lə sí kara ndogó kəm dəwje’g jol-jol. Bèe ɓa d’a koo néra maji lə sí ndá d’a kula ne rɔnduba dɔ Bɔ síje gə́ si dara lé ya.

Lugu 12:36

Seḭje lé maji kar toje asəna gə kuraje gə́ d’isi ŋgina ɓée deeje gə́ a kḭ loo ra naḭ kunda dené kəi-ŋgaw’g lé ɓó gə mba kɔr takəi karee loo gə́ yeḛ a ree kunda tabidi rəw-kəi lé tɔ.

Njé gə́ Epesə 6:14

Bèe ndá aarje dɔ gɔl sí’g njaŋg, waje ta meḛ sí gə ndar, yee ɓa gə́ kankəmta gə́ wa meḛ sí. Ulaje kubu-rɔ gə́ ŋgira kiŋ-kiŋ lé kaar sí’g, yee ɓa wɔji dɔ meekarabasur lé.

Njé gə́ Pilibə 2:15

Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma,

1 Piɛrə 1:13

Gelee gə́ nee ɓa maji kar sí ɔmje mina̰ wur sí’g go̰je ne loo soo-soo undaje meḛ sí yel ŋginaje ne noji gə́ d’a gə kwa sə sí ndɔ gə́ Jeju Kristi a kila rəa gə́ raga.