Lugu 12:32 - Maktub gə́ To gə Kəmee

³² Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

Lugu 12:32 ပူးပေါင်းရင်းမြစ်များ

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Jeremi 3:19

Ma m’dəji rɔm m’pana: M’a ra ba̰ gə mba kɔm sí mbuna ŋganəmje’g Mba kar sí ɓee gə́ majidum Gə́ nédɔji sí gə́ a to néɗɔi-rɔ Le ginkoji dəwje gə raŋg Gə́ ur dɔ loo lé wa. Ndá ma m’ula pana: Seḭ a ɓarmje bɔ síje ləm, Seḭ a kubamje kya̰’mje el ləm tɔ.

Matiyo 14:27

Léegəneeya Jeju ula dee pana: Ǝwje rɔ sí ɓəlje, to ma nja. Ɓəlje el ŋga.

Matiyo 20:16

Togə́bè ɓa deḛ gə́ goo loo gə́ gogo lé d’a kaw gə́ ŋgaw ta dee kédé, tɔɓəi deḛ gə́ d’aw gə́ ŋgaw ta dee kédé lé d’a tel to njé gə́ goo loo gə́ gogo tɔ.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Matiyo 7:15

Maji kar sí aaje rɔ sí dɔ njéteggintaje gə́ ŋgɔm gə́ d’a kḭ mbuna sí’g nee ya tel rɔ dee asəna gə badje nɛ meḛ dee gə́ kəi to asəna gə jagmjərje gə́ njétɔ kó dəwje.

Lugu 10:21

Mee kàree’g neelé nja rɔ Jeju lelee aree al ne rəa gə goo Ndilmeenda pana: Bɔm, i gə́ to mbai dɔ dara ləm, gə mbai dɔ naŋg nee ləm lé ma m’pidii mbata néje gə́ i ar kəm njékəmkàrje gə kəm njégosonégərje tɔ dɔ’g sum-sum lé i riba dəa ar ŋganje gə́ kari ba lé d’oo. Oiyo Bɔm, ma m’pidii mbata yee nja ɓa i oo gə́ né gə́ kəm ra ya.

Tagə́maji gə́ Ja̰ ndang 18:36

Jeju ilá keneŋ pana: Ma lé ɓeeko̰ ləm tɔ gə́ naŋg nee el. Ɓó lé ɓeeko̰ ləm tɔ gə́ naŋg nee ndá njéŋgəmlooje ləm d’a kaḭ rɔ dɔm’g mba karm m’oso ji Jibje’g bèe el, nɛ ɓeeko̰ ləm-ma lé to gə́ naŋg nee ɓasinè el.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Néra Njékaḭkulaje 20:29

Ma m’gər gao loo gə́ m’a kuba naŋg kḭ kya̰ sí lé ndá jagmjərje gə́ njetɔr kwɔi néje d’a kuru mbuna sí’g ndá d’a busu badə-kosoje busu-busu ləm,

Njé gə́ Rɔmə 6:23

Mbata nékoga dɔ ji kaiya lé to yoo, nɛ nojikwa lə Ala gə́ yeḛ wa sə sí lé to kəmə gə́ gə no̰ lé gə́ j’a kiŋga loo kɔm na̰’d gə Jeju Kristi Mbaidɔmbaije lə síjeḛ lé.

1 Njé gə́ Kɔrḭtə 1:21

Mbata to gə́ njé gə́ dɔ naŋg neelé kəmkàr lə dee lé d’askəm gər ne Ala el ləm, əsé gə kəmkàr ləa el ləm tɔ ndá Ala lé nja ə̰ji mée’g gə mba kaji deḛ gə́ d’ɔm meḛ dee dɔ ta kila mber’g lə sí gə́ dee nja d’oo gə́ ta mbə lé.

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

2 Njé gə́ Tesalonikə 1:11

Gelee gə́ nee ɓa, jeḛ n’ra ne tamaji ta-ta mbata lə sí mba kar Ala lə sí ar néra sí wa bua ɓar gə́ yeḛ ɓar sí ləm, mba kar mbɔl dɔ siŋgamoŋ ləa ɓa némeemajije ləa lai gə́ yeḛ wɔji-kwɔji ra lé a kɔr dɔ njal ləma, meekun lə sí a ra née karee ɔr ne njal ləm tɔ.

2 Njé gə́ Tesalonikə 1:5

Né neelé ɓa Ala unda ne rɔ rəwta-gaŋg ləa gə́ to gə dɔ najee ar sí, gə mba kar sí asjekəm kwa ɓeeko̰ lə Ala gə́ deḛ d’ula kəm sí ndòo gə mbəa lé gə́ nénduba lə sí.

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

2 Piɛrə 1:11

Togə́bè ɓa, rəw-kaw gə́ ɓeeko̰ gə́ Mbaidɔmbaije Njekaji sí Jeju Kristi gə́ to gə no̰ lé rəbee a to ne tag bə̰dəŋ kəm kar sí a̰dje keneŋ ya.

Loo gə́ killa rea kəm Ja̰’g 1:6

yeḛ unda sí gə́ gin ɓeeko̰ gə́ kára ba ar sí n’tojee njékinjanéməsje gə́ ka̰ Bɔbeeje Ala ləm tɔ. Maji karee yeḛ nja to Bao-ronduba gə Njedum dɔ loo gə ləbee-ləbee gə no̰. Amen.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.