Lugu 12:28 - Maktub gə́ To gə Kəmee

²⁸ Ɓó lé Ala lé gə́ njekar muje d’ḭ ma̰də nɛ mu gə́ ḭ ma̰də ndɔ kára ba ɓa bèlè d’inja yel ne pər mee pil’g ɓəi nɛ ɓəd ɓa see yeḛ a lal kar sí nékula rɔ sí’g wa, seḭ njémeekunje gə́ əḭ el.

Lugu 12:28 ပူးပေါင်းရင်းမြစ်များ

Esai 40:6

Ndu dəw ɓar pana: Ila mberee! Yeḛ ilá keneŋ pana: Ta ɗi ɓa m’a kila mberee wa. Dəwje lai to d’asəna gə mu Ar rɔnduba lə dee kara to asəna gə puduje gə́ mee ndɔje’g bèe.

Matiyo 14:31

Léegəneeya, Jeju duu wa jia unee dɔ mán’g njororo ndá ulá pana: I gə́ njemeembɔrè, see ban ɓa i maḭ gə rɔi wa.

Matiyo 16:8

Jeju gər takə̰ji lə dee gao ndá ila dee keneŋ pana: Seḭ gə́ meekun lə sí əḭ el lé see ban ɓa ə̰jije ta meḛ sí’g pajena: Pil muru gə́ seḭ ya̰je naŋg ɓa m’pa ne sə sí wa.

Matiyo 17:17

Jeju ilá keneŋ pana, seḭ ginkoji dəwje gə́ njéndɔjitaje ləm, gə mbim-oo-ta-elje ləm tɔ lé see m’a si sə sí ndɔm ka̰da tɔɓəi wa. Esé see ndɔ gə́ ra ɓa rɔm a kasm dɔ sí’g ɓəi wa. Ndɔreeje gə́ rɔm’g nee.

Matiyo 17:20

Jeju ila dee keneŋ pana: To mbata meekun lə sí gə́ əḭ el lé ɓa seḭ asjekəm raje ne né gə́ togə́bè el. Ma m’ula sí təsərə, ɓó lé meekun lə sí to asəna gə kandə né gə́ yəm-yəm bèe ndá seḭ a kulaje mbal neelé pana: Un rɔi unda gə́ yo bèe ndá léegəneeya, yee a kun rəa kunda gə́ yo ya tɔ. Né kára kara a dum sí el.

Matiyo 6:30

Ɓó lé Ala ar muje d’ḭ ma̰də nɛ mu gə́ ḭ ma̰də ndɔ kára ba d’inja yel ne pər mee pil’g nɛ ɓəd ɓa see Ala a lal kar sí kubu-kula-rɔ sí’g wa, seḭ njémeekunje gə́ əḭ el.

Matiyo 8:26

Yeḛ dəji dee pana: See ban ɓa ɓəlje wa, seḭ njémeekunje gə́ əḭ el. Yen ŋga yeḛ uba naŋg ḭta ndaŋg lel ləm, gə mán baa-boo ləm tɔ ar loo to ndiŋ.

Lugu 8:25

Tɔɓəi yeḛ ula dee pana: Meekun lə sí ɓa gə́ ra wa. Yen ŋga kaar dee wa dee paḭ ar ɓəl unda dee badə gaŋg dee ar dee dəji na̰ ta gə ŋgan gwɔs dee pana: See dəw neelé to gə na̰ ɓa wa ta lel gə mán baa-boo daŋ’d ar dee d’oo ta təa’g togə́bè wa.

Ǝbrəje 6:7

Loo gə́ ndi ər ta-ta ar manee tən naŋg ləm, ar lée neelé kinja gə koje mba kaji dee gə ndɔ-ndɔ keneŋ ləm tɔ ndá dɔ naŋg neelé taa kəm Ala aree tɔr ne ndia dɔ’g tɔ.

1 Piɛrə 1:24

Mbata Dəwje lai lé to d’asəna gə mu ləm, Rɔnduba lə dee kara to asəna gə pudu néje ləm tɔ, Mu ndòlé ləm, pudu gəḭ ləm tɔ,